Դանա Ուինտեր
| Դանա Ուինտեր | |
|---|---|
 | |
| Ծնվել է | հունիսի 8, 1931[1] |
| Ծննդավայր | Բեռլին, Պրուսիայի ազատ պետություն[2] |
| Մահացել է | մայիսի 5, 2011[3][1] (79 տարեկան) |
| Մահվան վայր | Օխայ, Կալիֆոռնիա |
| Քաղաքացիություն | .svg){kind=small} Միացյալ Թագավորություն և  ԱՄՆ |
| Մայրենի լեզու | անգլերեն |
| Կրթություն | Ռոդսի համալսարան |
| Մասնագիտություն | հեռուստատեսային դերասանուհի, կինոդերասանուհի, դերասանուհի և թատրոնի դերասանուհի |
| Ամուսին | Greg Bautzer? |
 Dana Wynter Վիքիպահեստում | |
Դանա Ուինտեր (անգլ.՝ Dana Wynter, իսկական անունը՝ Դագմար Ուինտեր, գերմ.՝ Dagmar Winter, հունիսի 8, 1931[1], Բեռլին, Պրուսիայի ազատ պետություն[2] - մայիսի 5, 2011[3][1], Օխայ, Կալիֆոռնիա), բրիտանացի դերասանուհի։ 1950-ական թվականների սկզբից նկարահանվել է ֆիլմերում, նախ՝ Անգլիայում, ապա ԱՄՆ-ում։ Ամենահայտնի դերը «Մարմին առևանգողների ներխուժումը» ֆիլմում ունեցած դերակատարումն է (1956)։
Կենսագրություն
[խմբագրել | խմբագրել կոդը]Ծնվել է Բեռլինում բրիտանացի վիրաբույժի և հունգարուհու ընտանիքում, որոնք հետագայում տեղափոխվել են Անգլիա։ Շուտով ծնողներն ամուսնալուծվել են և նա հոր և խորթ մոր հետ տեղափոխվել է Աֆրիկայի Հարավային Ռոդեզիա բրիտանական գաղութը (այժմ Զիմբաբվե)։ Ավարտել է մասնավոր դպրոց, հետո բժշկություն ուսումնասիրել Ռոդսի համալսարանում և փորձել իր ուժերը սիրողական թատրոնում[4]։
Սակայն համալսարանում մոտ մեկ տարի սովորելուց հետո վերադարձել է Անգլիա, որտեղ 1951 թվականից սկսել է փոքր դերեր կատարել ֆիլմերում։ 1953 թվականի նոյեմբերին մեկնել է ԱՄՆ, անունը փոխելով Դանա Ուինտերի։ Նյու Յորքում ավելի մեծ հաջողություն է ունեցել, քան Լոնդոնում։ Գլխավոր դերեր խաղացել է «Ռոբերտ Մոնտգոմերիի» Ներկայացումների շարքում, «Սուսպենսում», «Առաջին Ստուդիայում» և «Ալֆրեդ Հիչքոքի ժամի» դրվագներից մեկում։
Տեղափոխվել է Հոլիվուդ, որտեղ 1955 թվականին պայմանագիր է կնքել 20th Century Fox կինոստուդիայի հետ։ Նույն թվականին արժանացել է «Ոսկե գլոբուս» մրցանակի «Ամենախոստումնալից դեբյուտ» անվանակարգում՝ այն կիսելով Անիտա Էկբերգի և Վիկտորիա Շոուի հետ։
1956 թվականին Քևին Մաքքարտիի, Լարի Գեյթսի և Քերոլին Ջոնսի հետ նկարահանվել է «Մարմին առևանգողների ներխուժումը» ֆիլմում։ Կինոնկարը, որում շատերը հակակոմունիստական ենթատեքստ էին տեսնում, բավականաչափ գումարներ է հավաքել[4]։
Չնայած գերազանց արձագանքներին, Ուինտերը չի կարողացել կրկնել իր հաջողությունը՝ հետագայում հիմնականում նկարահանվելով ռազմական ֆիլմերում և հեռուստասերիալներում։
1980-ական թվականներին աշխատել է «The Guardian» օրաթերթում[5]։
Անձնական կյանք
[խմբագրել | խմբագրել կոդը]1956 թվականին ամուսնացել է հոլիվուդյան փաստաբան Գրեգ Բաուտցերի հետ, 1960 թվականին ծնվել է նրանց որդի Մարկը։ Ամուսնալուծվել է 1981 թվականին։
Ֆիլմագրություն
[խմբագրել | խմբագրել կոդը]1953-1960 թվականների ընթացքում նկարահանվել է մի շարք կինոնկարներում, այդ թվում՝ «Կլոր սեղանի ասպետները», «Արժեքավոր իրը», «Ֆրոյլայն» և «Սեղմել սատանայի ձեռքը»։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Internet Speculative Fiction Database — 1995.
- ↑ 2,0 2,1 2,2 Deutsche Nationalbibliothek Record #152158111 // Gemeinsame Normdatei (գերմ.) — 2012—2016.
- ↑ 3,0 3,1 3,2 Dana Wynter dies at 79; actress in ‘Invasion of the Body Snatchers’ // Los Angeles Times — El Segundo: 2011. — ISSN 0458-3035; 2165-1736
- ↑ 4,0 4,1 Dana Wynter
- ↑ Dana Wynter: Actress best known as co-star of the original 'Invasion of the Body Snatchers'
 | Վիքիպահեստն ունի նյութեր, որոնք վերաբերում են «Դանա Ուինտեր» հոդվածին։ |
| ||||||||||||||||
