Արմեն Մխիթարյան
- Վիքիպեդիայում կան հոդվածներ Մխիթարյան ազգանունով այլ մարդկանց մասին։
| Արմեն Մխիթարյան | |
|---|---|
 | |
| Ծնվել է | ապրիլի 8, 1961[1][2][3][…] (63 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
 Armen Mkhitaryan Վիքիպահեստում | |
Արմեն Աշոտի Մխիթարյան (ապրիլի 8, 1961[1][2][3][…], Երևան, Հայկական ԽՍՀ, ԽՍՀՄ), Հայաստանի Հանրապետության Ազգային ժողովի նախկին պատգամավոր։
Կենսագրություն
[խմբագրել | խմբագրել կոդը]Արմեն Մխիթարյանը ծնվել է 1961 թվականի ապրիլի 8-ին Երևանում։ 1990 թվականին ավարտել է Երևանի ժողովրդական տնտեսության ինստիտուտը, իսկ 1997 թվականին՝ Երևանի «Վարդանանց» համալսարանը։ Ստացել է տնտեսագետի և իրավաբանի որակավորում[4]։ 1979-1981 թվականներին ծառայել է խորհրդային բանակում։ 1982-1983 թվականներին Երևանի հուշանվերների գործարանում աշխատել է փականագործ, իսկ 1983-1991 թվականներին՝ հեռուստառադիոպետկոմում աշխատել է բեմադրիչ։ 1991-1994 թվականներին եղել է «Արաբկիր-Խնուս» ՍՊԸ նախագահ, 1989-1993 թվականներին մասնակցել է Արցախի ազատագրական պայքարին։ 1994-1999 թվականներին եղել է ՆԳՆ Երեւանի վարչության պետի տեղակալ, Շենգավիթի ՆԳ բաժնի պետ, ՆԳՆ քրեական հետախուզության վարչության պետ, Արաբկիրի ՆԳ բաժնի պետ։ 1996 թվականին եղել է Հայաստանի Հանրապետության Աֆղանստանի պատերազմի վետերանների միության նախագահ։ 1999-2003 թվականներին` Ազգային ժողովի պատգամավոր (թիվ 6 ընտրատարածք)[5]։ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի անդամ։ Եղել է «Միասնություն» խմբակցության անդամ։ 2003-2007 թվականներին եղել է Ազգային ժողովի պատգամավոր (թիվ 7 ընտրատարածք)։ Եղել է Ազգային ժողովի արտաքին հարաբերությունների մշտական հանձնաժողովի անդամ։ Եղել է ՀՀԿ խմբակցության անդամ։ 2007-2012 թվականներին եղել է Ազգային ժողովի պատգամավոր (համամասնական ընտրակարգ, ՀՀԿ)[6]։ 19.06.2007-31.05.2012 թվականներին եղել է Ազգային ժողովի եվրոպական ինտեգրման հարցերի մշտական հանձնաժողովի անդամ։ 2012 թվականի մայիսի 6-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից[7]։
Անձնական կյանք
[խմբագրել | խմբագրել կոդը]Ամուսնացած է, ունի 2 զավակ։
Ծանոթագրություններ
[խմբագրել | խմբագրել կոդը]- ↑ 1,0 1,1 http://www.parliament.am/deputies.php?sel=details&ID=182&lang=eng
- ↑ 2,0 2,1 http://www.parliament.am/deputies.php?sel=details&ID=21&lang=eng
- ↑ 3,0 3,1 http://www.parliament.am/deputies.php?sel=details&ID=959&lang=eng
- ↑ «Արմեն Աշոտի Մխիթարյան – Deputat» (անգլերեն). Արխիվացված է օրիգինալից 2021 թ․ հունվարի 9-ին. Վերցված է 2021 թ․ հունվարի 7-ին.
- ↑ «Parliament Monitoring - Մխիթարյան Արմեն Աշոտի». parliamentmonitoring.am. Վերցված է 2021 թ․ հունվարի 7-ին.(չաշխատող հղում)
- ↑ «Կուսակցության խորհուրդը - Կառուցվածք - Հայաստանի Հանրապետական կուսակցություն». www.hhk.am. Վերցված է 2021 թ․ հունվարի 7-ին.
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունվարի 7-ին.
 | Վիքիպահեստն ունի նյութեր, որոնք վերաբերում են «Արմեն Մխիթարյան» հոդվածին։ |
|
