Արմեն Առաքելյան
- Վիքիպեդիայում կան հոդվածներ Առաքելյան ազգանունով այլ մարդկանց մասին։
| Արմեն Առաքելյան | |
|---|---|
| օգոստոսի 25, 1962 - մարտի 6, 1993 (30 տարեկան) | |
| Ծննդավայր | Ավետարանոց, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ |
| Մահվան վայր | Կուսապատ, Մարտակերտի շրջան, Արցախ |
| Գերեզման | Ավետարանոց |
| Մարտեր/ պատերազմներ | Արցախյան ազատամարտ |
| Պարգևներ | |
Արմեն Բորիսի Առաքելյան (օգոստոսի 25, 1962, Ավետարանոց, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ - մարտի 6, 1993, Կուսապատ, Մարտակերտի շրջան, Արցախ), հայ ազատամարտիկ, Արցախյան ազատամարտի մասնակից։
Կենսագրություն
[խմբագրել | խմբագրել կոդը]Արմեն Առաքելյանը ծնվել է 1962 թ. օգոստոսի 25-ին Ասկերանի շրջանի Ավետարանոց գյուղում։ Գյուղի միջնակարգ դպրոցում 8-րդ դասարանն ավարտելուց հետո ուսումը շարունակել է Հայաստանի Ագարակ ավանի պրոֆտեխուսումնարանում։ Ծառայել է Խորհրդային բանակում։ Զորացրվելուց հետո բնակություն է հաստատել Գրոզնի քաղաքում։ Արցախյան շարժումը նրան ետ է բերել հայրենի գյուղ։ Անդամագրվել է գյուղի ջոկատում, որտեղ ծառայում էին նաև նրա երկու եղբայրները։ Գումարտակի հրամանատարի տեղակալն էր։ Մասնակցել է բազմաթիվ մարտերի։ Զոհվել է 1993 թ. մարտի 6-ին Մարտակերտի շրջանի Կուսապատ գյուղի ազատագրության համար մղված մարտում։ Հետմահու պարգևատրվել է «Շուշիի ազատագրման համար» մեդալով։ Ամուսնացած էր, ունի մեկ դուստր։ Հանգչում է հայրենի գյուղի գերեզմանատանը[1]։
Ծանոթագրություններ
[խմբագրել | խմբագրել կոդը]- ↑ «Արմեն Առքելյանը Արցախյան պատերազմի թանգարանի կայքում». Արխիվացված է օրիգինալից 2016 թ․ մարտի 5-ին. Վերցված է 2014 թ․ մարտի 9-ին.