Անտանաս Վենուոլիս

Անտանաս Վենուոլիս; լիտ.՝ Antanas Vienuolis
Ծնվել է	ապրիլի 7 (19), 1882
Ծննդավայր	Ažuožeriai, Անիկշչայի շրջան, Լիտվա
Վախճանվել է	օգոստոսի 17, 1957[…] (75 տարեկան)
Վախճանի վայր	Անիկշչայ, Լիտվական ԽՍՀ, ԽՍՀՄ
Մասնագիտություն	գրող, դեղագործ և դրամատուրգ
Լեզու	լիտվերեն
Քաղաքացիություն	Ռուսական կայսրություն, Լիտվա և ԽՍՀՄ
Կրթություն	Մոսկվայի պետական համալսարան և Liepāja Gymnasium?
Ստեղծագործական շրջան	1918-1957
Ուշագրավ աշխատանքներ	Քննադատորեն է պատկերել ազնվականությանը, բուրժուական մտավորականությանը
Պարգևներ
	Antanas Vienuolis Վիքիպահեստում

Անտանաս Վենուոլիս (Ժակաուսկաս) (ապրիլի 7 (19), 1882^[1]^[2]^[3], Ažuožeriai, Անիկշչայի շրջան, Լիտվա - օգոստոսի 17, 1957(1957-08-17)^[4]^[1]^[2]^[…], Անիկշչայ, Լիտվական ԽՍՀ, ԽՍՀՄ^[2]^[3]), լիտվացի խորհրդային գրող։ Լիտվիայի ԽՍՀ արվեստի վաստակավոր գործիչ (1947 թ.), Լիտվիայի ԽՍՀ ժողովրդական գրող (1957 թ.)։

1903-1907 թվականներին աշխատել է Կովկասում։ 1905-1907 թվականների հեղափոխությանը մասնակցելու համար բանտարկվել է Թիֆլիսում։ 1907 թվականից ապրել է Մոսկվայում, դեղագործություն է ուսանել Մոսկվայի համալսարանում։ 1918 թվականին վերադարձել է Լիտվա։ Վենուոլիսը լիտվական գրականություն է մտել որպես դեմոկրատ ուղղության ռեալիստ գրող («Բանտում», 1905 թ., ակնարկ, «Կովկասյան լեգենդներ», 1905-1906 թթ.)։ Իր պատմվածքներում Վենուոլիսը խարազանել է լիտվական գյուղի կուլակության կամայականությունը, տիրող կղերական խավարամոլությունը («Ջրահեղձ աղջիկը», 1909 թ.), մտավորականության քաղքենիական բարքերը («Վերադարձել է», 1908 թ., «Կինը», 1909 թ.)։ Քննադատորեն է պատկերել ազնվականությանը, բուրժուական մտավորականությանը («Օրը բացվելուց առաջ», 1925 թ., վեպ, «Մտավորականների պալատը» 1921 թ., վիպակ, «Մթնշաղ», 1936 թ., պիես)։ Պատմական թեմայով են գրված «Քառուղի» (1932 թ.) վեպը և «1831 թիվ» (1936 թ.) պիեսը։ «Հոգեդուստրը» (1946 թ.) վիպակում, «Պուոջյունասների դաստակերտը» (1949 թ.) վեպում պատկերված է դասակարգային պայքարը լիտվական գյուղում բուրժուական կարգերի ժամանակ։ 1957 թվականին հրատարակվել են նրա «Իմ հիշողություններից» գիրքը և «Ավանդություններ և լեգենդներ» ժողովածուն։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Գերմանիայի ազգային գրադարանի կատալոգ (գերմ.)
↑ ^3,0 ^3,1 ^3,2 ^3,3 ^3,4 Большая российская энциклопедия (ռուս.) — М.: Большая российская энциклопедия, 2004.
↑ ^4,0 ^4,1 ^4,2 Венуолис Антанас // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

Վիքիպահեստն ունի նյութեր, որոնք վերաբերում են «Անտանաս Վենուոլիս» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 378)։

[_62edb21469083b9a-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_6bd2523993888cce-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Գերմանիայի ազգային գրադարանի կատալոգ (գերմ.)

[_7bc07d950e68afc8-3] 3,0 ^3,1 ^3,2 ^3,3 ^3,4 Большая российская энциклопедия (ռուս.) — М.: Большая российская энциклопедия, 2004.

[_114e92f576665dd7-4] 4,0 ^4,1 ^4,2 Венуолис Антанас // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[1]

[2]

[3]

[4]