Ամալյա Ենգոյան

Վիքիպեդիայում կան հոդվածներ Ենգոյան ազգանունով այլ մարդկանց մասին։

Ամալյա Սաշիկի Ենգոյան (մարտի 22, 1959(1959-03-22), Լենինական, Հայկական ԽՍՀ, ԽՍՀՄ), ՀՀ պետական գործիչ։

Կրթություն

1976-1981 թթ. - սովորել և ավարտել է Երևանի պետական համալսարանի կիրառական մաթեմատիկայի ֆակուլտետը։
1996-1999 թթ. - սովորել և ավարտել է Հայկական գյուղատնտեսական ակադեմիան՝ «հաշվապահական հաշվառում և աուդիտ» մասնագիտացմամբ։

1981-1990 թթ. - աշխատել է Էլեկտրոմեքենաշինության գիտահետազոտական ինստիտուտում որպես մաթեմատիկոս, ծրագրավորող։
1990-1992 թթ. - աշխատել է որպես ՀՀ Գերագույն խորհրդի փորձագետ։
1992-1995 թթ. - ՀՀ վարչապետի օգնական։
1995-1999 թթ. - ՀՀ կառավարության աշխատակազմի Ազգային ժողովի հետ կապերի վարչության պետի տեղակալ։
1999-2000 թթ. - ՀՀ կառավարության աշխատակազմի Ազգային ժողովի հետ կապերի վարչության պետի պաշտոնակատար։
2000-2008 թթ. - ՀՀ կառավարության աշխատակազմի Ազգային ժողովի հետ կապերի վարչության պետ։
2008 թ. հունիսի 26-ին ՀՀ վարչապետի որոշմամբ նշանակվել է Հայաստանի Հանրապետության կառավարության աշխատակազմի Ազգային ժողովի հետ կապերի վարչության պետ (քաղաքացիական ծառայողի կարգավիճակով)՝ ազատվելով Հայաստանի Հանրապետության կառավարության աշխատակազմի Ազգային ժողովի հետ կապերի վարչության պետի պաշտոնից^[1]։

Հայաստանի Հանրապետության քաղաքացիական ծառայության առաջին դասի պետական խորհրդական (2012)^[2]։
ՀՀ վարչապետի հուշամեդալ։
ՀՀ վարչապետի շնորհակալագիր։
ՀՀ պաշտպանության նախարարության «Գարեգին Նժդեհ» մեդալ։

Ամուսնացած է, ունի երկու զավակ։ Անկուսակցական է։