Usuaria:Lles/Carmen Ruiz Repullo
| Biografía |
|---|
Carmen Ruiz Repullo, nada en Córdoba o 25 de xaneiro de 1976, é unha socióloga española especializada en violencia de xénero na adolescencia e na mocidade, que foi galardoada co Premio Meridiana en 2017.[1]
Traxectoria
[editar | editar a fonte]Estudou ciencias políticas e socioloxía na Universidade de Granada. En 2016, conseguiu o seu doutoramento en socioloxía na Universidade Pablo de Olavide en Sevilla, co traballo titulado Los peldaños perversos del amor. El proceso de la violencia de género en la adolescencia.[2] Posteriormente, cursou o Master Erasmus Mundus sobre Estudios de las Mujeres y Género pola Universidade de Granada e a Universidade de Utrecht en Holanda.
Desde os seus inicios, en 2005, colaborou na posta en práctica e avaliación do I Plan de Igualdade entre Mulleres e Homes na Educación, en Andalucía.[3] Nese sentido, Ruíz imparte formación en materia de xénero e prevención da violencia de xénero para profesorado, alumnado, familias e persoal técnico de administracións públicas. Realizou labores de consultoría para distintos organismos públicos como a Universidade Internacional de Andalucía (UNIA), o Instituto Andaluz de la Mujer (IAM) e a Consellería de Educación da Xunta de Andalucía, ou o Ministerio de Educación, Cultura e Deporte do Goberno de España.
Formou parte do equipo de profesionais que deseñaron o programa Skolae, un proxecto de referencia en España que destaca por tratarse dun itinerario integral (colexio, familias, profesorado e alumnado) que dota de ferramentas para educar en Igualdade.[4]
No seu libro La historia de Pepe y Pepa, Ruíz representa a violencia de xénero nunha escaleira na que os dous protagonistas, adolescentes que acaban de comezar unha relación, van subindo chanzos. En cada chanzo, Pepe controla un pouco máis a Pepa, e os exemplos que utiliza están baseados en feitos reais que foi extraendo das súas charlas e obradoiros.[5]
Ruíz advertiu de que “o porno mainstream converteuse hoxe na formación sexual da adolescencia e mocidade, a falta de educación sexual nas aulas” e alertou de que en 40 anos o porno evolucionou dos espidos femininos a imaxes que deshumanizan, erotizan e normalizan a violencia extrema contra as mulleres e que os mozos toman como modelo a imitar”.[6]
Recoñecementos
[editar | editar a fonte]En 2017, Ruíz foi galardoada co premio Meridiana na modalidade niciativas que promueven la educación, pola súa traxectoria no campo da escola coeducativa e libre de violencia machista.[7]
Obra
[editar | editar a fonte]Entre as súas publicacións atópanse manuais, tales como a guía do xoguete non sexista "Nuevas formas de jugar, campaña del juego y el juguete no sexista, no violento", 2007 da Xunta de Andalucía, e numerosos libros entre os que cabe destacar:[8]
- "Voces tras los datos. Una mirada cualitativa a la violencia de género en adolescentes", 2016. Instituto Andaluz de la Mujer.[9]
- "La construcción social de las relaciones amorosas y sexuales en la adolescencia : graduando violencias cotidianas", 2014. Diputación de Jaén. [10]
- "Abre los ojos: el amor no es ciego", 2009. Instituto Andaluz de la Mujer. Depósito Legal SE-5904-09.[11]
- Cambios Sociales y Género I y II, 2016.[12]
- Igualdad de Género (Aprender es crecer en conexión), Anaya 2016.[13]
Notas
[editar | editar a fonte]- ↑ "Curriculum Carmen Ruiz Repullo" (PDF).
- ↑ Ruiz Repullo, Carmen. "Los peldaños perversos del amor : el proceso de la violencia de género en la adolescencia". Consultado o 11 de febreiro de 2020.
- ↑ "Implementación Plan Igualdad: Más materiales y recursos. Carmen Ruíz Repullo". 28 de mayo de 2012. Consultado o 11 de febreiro de 2020.
- ↑ "'No quieren que la igualdad llegue a las aulas'" (en castelán). Consultado o 11 de febreiro de 2020.
- ↑ "'La historia de Pepe y Pepa' sirve para detectar la violencia machista entre adolescentes" (en castelán). 28 de noviembre de 2017. Consultado o 11 de febreiro de 2020.
- ↑ "La coeducación, la necesaria respuesta del Estado a la violencia de género" (en castelán). 4 de noviembre de 2019. Consultado o 11 de febreiro de 2020.
- ↑ "Carmen Ruiz Repullo: "Debemos desvelar las trampas del amor romántico"" (en castelán). Consultado o 11 de febreiro de 2020.
- ↑ "Manual nuevas formas de jugar" (PDF).
- ↑ Voces tras los datos. Una mirada cualitativa a la violencia de género en adolescentes. Instituto Andaluz de la Mujer. ISBN 978-84-608-5826-3.
- ↑ Abre los ojos: el amor no es ciego. Instituto de la Mujer. ISBN 978-84-697-2088-2.
- ↑ "abre los ojos el amor no es ciego" (PDF).
- ↑ Cambios Sociales y Género I y II,. ISBN 978-84-698-1685-1.
- ↑ Igualdad de Género (Aprender es crecer en conexión). Anaya. ISBN 8469828347.
[[Categoría:Nados en Córdoba]]
[[Categoría:Feministas de España]]