Requintas
| Requintas | |
|---|---|
 | |
| Orixe cultural |  Galicia |
| Instrumentos típicos | Requinta Gaita galega Tambor Caixa Pandeireta Bombo |
| Outros nomes | Gaitas |
As requintas, ou gaitas, son agrupacións musicais galegas, propias das terras do val do río Ulla, compostas por requintas, gaitas e percusión tradicional.
Características
[editar | editar a fonte]A requinta, é un tipo de frauta travesa aparecida en Galiza a comezos do século XIX. Debido á súa afinación, e a permitir o toque nun rexistro agudo que acada o volume da gaita de fol, empregouse desde cedo para o seu acompañamento. A súa popularidade nas terras do Ulla fixo que o seu nome se estendese axiña ao das agrupacións que a empregaban. Estes grupos adoitaban estar compostos por un ou dous requinteiros, que tocaban a carón dunha ou dúas gaitas, e aos diferentes instrumentos de percusión, normalmente caixa e bombo.[1]
As requintas proliferaron, na década de 1920, ao longo dos concellos do tramo medio do Ulla, Silleda, Boqueixón, Padrón, Teo, Touro, Vedra, Vila de Cruces e A Estrada, chegando a existir até vinte grupos distintos (A requinta de Carcacía, A requinta de Lampai, A gaita de San Miguel, Os gaiteiros de Albín, A gaita de Vedra, Airiños do Ulla, etc). A irrupción no panorama musical galego das orquestras de baile na década de 1950 substituíu os grupos de requinteiros, que deixaron de ser contratados para as festas quedando case esquecido o instrumento.[2] Porén, a publicación no ano 1993 do libro A requinta na Ulla coas indagacións do gaiteiro Enrique Montero,[3] fixo rexurdir o interese nas requintas. Apareceron desde aquel momento novos instrumentistas, grupos e artesáns que traballan pola súa normalización. No ano 2017 publicouse un libro-cd que reúne, en máis de 80 partituras, a transcrición de parte do repertorio das requintas tradicionais.[4]
Notas
[editar | editar a fonte]- ↑ Carpintero Arias, Pablo. "Requinta". Os Instrumentos Musicais na Tradición Galega. Consultado o 2021-07-07.
- ↑ "O son da requinta". Raiceiros.org. Consultado o 2021-07-12.
- ↑ "A Requinta na Ulla.". todocoleccion.net (en castelán). Consultado o 2021-07-12.
- ↑ "A requinta da Ulla". www.edicionsembora.es. Consultado o 2021-07-12.
Véxase tamén
[editar | editar a fonte]Bibliografía
[editar | editar a fonte]- Carpintero Arias, Pablo (2010). Os Instrumentos musicais na tradición galega. Difusora de Letras, artes. ISBN 8492958057.
Ligazóns externas
[editar | editar a fonte]- Gaita de Sarandón (Requinteiros do Ulla) - TVG (Alalá nº 27 - 2006)
- A Requinta de Xián - TVG (Alalá nº 57 - 2007)
