Nature

Nature
País	Reino Unido
Lingua	lingua inglesa
Especialidade	literatura científica
Abreviatura	Nature
Fundación	1869 e 4 de novembro de 1869
Primeira edición	4 de novembro de 1869
Descrito por	Wikipedia:Vaccine safety/Perennial sources
Editorial	Nature Portfolio e Springer Science+Business Media
Circulación
ISSN	1476-4687
OCLC	01586310
Na rede
https://www.nature.com/ e http://www.nature.com/nature/
[ editar datos en Wikidata ]

Nature é unha das máis antigas e famosas revistas científicas. O seu primeiro número foi publicado o 4 de novembro de 1869. A diferenza doutras non está especializada en ningún campo en concreto, publicando artigos nunha ampla variedade de temas, aínda que a súa principal área é a bioloxía. O seu principal competidor é a revista Science.

Historia e características

Cunha periodicidade semanal, Nature é publicada en Reino Unido pola compañía Nature Publishing Group subsidiaria de Macmillan Puiblishers. Nature ten oficinas en Londres, Nova York, San Francisco, Washington, D.C., Toquio, París, Múnic e Basingstoke, e dispón de correspondentes propios na maioría dos países industrializados. A editorial publica tamén varias revistas especializadas baixo o nome de Nature como Nature Neuroscience, Nature Methods e Nature Structural and Molecular Biology entre outros.

A revista é lida por científicos e investigadores de todo o mundo sendo a maior parte dos artigos exposicións de traballos de investigación moi técnicos. Con todo tamén inclúe editoriais e noticias científicas de carácter xeral así como artigos sobre política científica en diferentes países, críticas de libros técnicos e de divulgación e artigos sobre a historia e o futuro dalgunhas disciplinas científicas.

Para a maioría dos científicos publicar en Nature constitúe unha marca de prestixio. A revista rexeita en torno ao 95 % dos artigos que lle son enviados (peer review). Os artigos publicados aparecen en ocasións apuntados pola prensa xeral e considérase que se atopan na fronte da investigación científica. Algúns artigos famosos publicados por Nature foron:

• O descubrimento da estrutura do ADN en dobre hélice por James Watson e Francis Crick en 1953.
• O descubrimento do primeiro planeta extrasolar 51 Pegasi b por Mayor e Queloz en 1995.

Os artigos publicados en Nature sométense a un rigoroso sistema de arbitraxe por expertos internacionais na área aos que a revista pide a súa opinión sobre os artigos enviados. En casos dubidosos algúns dos experimentos son repetidos por outros científicos confidencialmente antes da publicación. Os editores da revista realizan tamén un importante rastrexo determinando se o artigo é ou non de interese xeral e se está ou non entre os temás de interese científicos superior. A pesar de todos estes filtros algúns artigos publicados pola revista constituíron famosos escándalos ao demostrarse a falsidade dos resultados presentados. Tales foron os casos da memoria da auga ou a fusión fría.

En 2007 esta revista xunto con Science foi galardoada co Premio Príncipe de Asturias de Comunicación e Humanidades.

Véxase tamén

Ligazóns externas

• Páxina web de Nature (en inglés).
• Nature Clinical Practice Oncology (en inglés).