Congreso
![](http://upload.wikimedia.org/wikipedia/commons/thumb/a/a3/Robert_Walsh_Chamber_of_Deputies_Brazil_1830.jpg/220px-Robert_Walsh_Chamber_of_Deputies_Brazil_1830.jpg)
Un congreso é unha xuntanza solemne ou asemblea de persoas competentes para debater unha cuestión
Antigas institucións xudiciais
[editar | editar a fonte]Na Idade Media e ata o comezo do século XVIII, o congreso era unha proba xudicial en xeral demandada pola esposa e ordenada en xustiza, que debía sufrir o seu marido para probar a súa impotencia sexual de cara a unha anulación do matrimonio ou dun divorcio. Reuníanse os esposos nunha cama en presenza de xuíces, oficiais, avogados e médicos expertos e correspondíalle a esta audiencia o ser testemuña da imposibilidade. Este procedemento foi progresivamente abandonado como non fiable debido á impresión causada pola solemnidade, manifestándose nalgúns casos os maridos como fecundos despois de volver casar.
Historia diplomática
[editar | editar a fonte]Chámaselles tamén congresos ás xuntanzas diplomáticas de monarcas ou plenipotenciarios, e nas que se ocupa de conciliar as diferenzas xurdidas entre nacións, ou para previr rupturas.
Política
[editar | editar a fonte]O congreso é unha institución política característica de réximes parlamentarios. No dereito constitucional, adoita ser o nome aplicado ó conxunto de cámaras dun parlamento, como sucede en Francia ou nos Estados Unidos. Nos sistemas bicamerais como o español, pode aplicarse só á cámara na que se reúnen os representantes elixidos mediante sufraxio directo, con funcións lexislativas e coexistencia co senado.
Ciencia
[editar | editar a fonte]Un congreso científico permite ós investigadores e enxeñeiros reunirse e expoñer os seus traballos. Con frecuencia é usado por empresas para darse a coñecer cos seus novos produtos no campo da bioloxía, química, farmacia...
Eventos profesionais
[editar | editar a fonte]Un congreso profesional xunta profesionais dunha área concreta (economía, ciencias sociais, industria, tecnoloxía...). Os Estados Unidos son o pais que organiza máis congresos e convencións, por diante de Alemaña, España, Reino Unido, Francia e Italia.[1]
Outros
[editar | editar a fonte]Reciben tamén o nome de congreso outro tipo de xuntanzas, como en xadrez, os 'Congresos da Federación internacional de Xadrez'[2][3] e en relixión, os 'Congresos eucarísticos'.[4]
Notas
[editar | editar a fonte]- ↑ Paris, plus que jamais capitale des congrès La Tribune.fr, le 31 mai 2012
- ↑ Le Lionnais, François; Maget, Ernst (1967). Dictionnaire des échecs. Presses universitaires de France. p. 86-87.
- ↑ Hooper, David; Whyld, Kenneth (1992). The Oxford Companion to Chess. Oxford University Press. p. 89. ISBN 0-19-866164-9.
- ↑ Gregorio, Antonio; Suárez, Gilberto; Rodríguez, José Mª (2006). Ribadeo no tempo, a través das imaxes. O Tesón. p. 17. ISBN 84-6110861-2.
Véxase tamén
[editar | editar a fonte]Outros artigos
[editar | editar a fonte]![]() |
Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |