Kontsul (diplomazia)
![](http://upload.wikimedia.org/wikipedia/commons/thumb/c/ca/Pamplona_-_Calle_Taconera%2C_Consulado_italiano.jpg/250px-Pamplona_-_Calle_Taconera%2C_Consulado_italiano.jpg)
Kontsula Estatu batek atzerrian Kontsulategi edo Kontsul Bulego batean bere ordezkari izan dadin ipintzen duen funtzionario bat da. Herrialde baten kanpo zerbitzuko funtzionarioa da, ez du izaera politikorik, informazioa eskaini eta administrazio propaganda, aduana, notariotza eta erregistro politikoari buruzko betebeharrak burutzen ditu. Estatu batek beste herrialde batean kontsul bat baino gehiago izan ditzake, denetan maila gorenekoa kontsul nagusia delarik. Kontsulategiak herrialde bakoitzean merkataritza eta ekonomia garrantzia handiena duten hirietan izan ohi dira.
Kanpo Harremanetarako Ministerioak kontsulari jatorrizko hiritarrei atzerrian daudela zenbait beharretan laguntzeko ardura ematen die, tartean hainbat helburuetarako behar dituzten agiriak eskuratzea, zuzenbide defentsarako laguntza ematea, agiri ofizialen legeztatzea (aukera hori ahal denean), herritartetasun ziurtagiriak, pasaporteen ematea eta berriztatzea, herrialdeen nortasun agirien tramitazioa, ekonomia, kultura eta turismo sustapena, eta abar.