Konsulo (diplomaco)
![](http://upload.wikimedia.org/wikipedia/commons/thumb/c/c2/Consulat_de_Roumanie_%C3%A0_Lyon.jpg/250px-Consulat_de_Roumanie_%C3%A0_Lyon.jpg)
![](http://upload.wikimedia.org/wikipedia/commons/thumb/a/a4/Consulado_de_Mexico.jpg/320px-Consulado_de_Mexico.jpg)
Konsulo en diplomaco, esas oficisto komisita da la guvernerio di ula lando por protektar, en lando stranjera, interesti di sua samalandani e di entraprezi de sua lando. Diferanta del ambasadisto, qua esas l'oficisto qua reprezentas l'interesti di ula suverena lando en altra lando, konsuli ne reprezentas politikale lua nativa lando en la gasto-lando: lu nur reprezentas la privata interesti di lua samalandani. Ultre to, ambasadeyi ordinare lokizesas en la chef-urbo di la gasto-lando, kontre ke konsuleyi multafoye lokizesas en altra importanta urbi, nome se existas lokale granda komunitato di civitani de la lando reprezentata per la konsuleyo. Konsulala relati ne dependas de diplomacala relati, ed inverse.
En 1963, signatesis la konvenciono di Wien, qua regulizas internacioni l'agadi di la konsuleyi.