evn

Brezhoneg

Etimologiezh

Kavet en henvrezhoneg etn^[1].

Meneget er C'hatolikon : ezn^[2].

Da geñveriañ gant ar gerioù edn e kembraeg, heth-en aet da edhen e kerneveureg, én en heniwerzhoneg, hag éan en iwerzhoneg, dezho-holl ar memes ster. Deuet eus ur ger keltiek *etno- evit pet-no- « loen-nij », deveret eus ar wrizienn PET « nijal » hag heñvel ouzh ar gerioù *pet-nā aet da penna « askell » e latin, पतति (pat-a-ti) e sañskriteg ha πέτ-ε-ται (pet-e-tai) en henc'hresianeg « nijal a ra », πτε-ρό-ν (pte-ro-n) « askell », feather e saozneg ha feder en alamaneg « pluenn », pet-ere e latin « mont war-zu », h.a.^[3]

Anv-kadarn

evn /ˈẽwn/ gourel (liester : evned)

1. (Loenoniezh) Un evn a vez graet eus n'eus forzh petore loen pluek hag askellek. Kanañ pe richanañ a ra an evned.
   • Arzhur, hep kaout aon, a dennas war an evn bras, ha kerkent e leuskas ur c'harmadenn spontus, [...]. — (Fañch an Uhel, Kontadennoù ar Bobl/1, Al Liamm, 1984, p. 16.)
   • Ha kerkent setu-hi troet en un evn bihan glas, ha da darnijal en-dro d'an daol, oc'h ober : "Driik !... Driik !..." — (Fañch an Uhel, Kontadennoù ar Bobl/1, Al Liamm, 1984, p. 105.)
   • [...], Kado a azezas war c'horre hag an evn bras a savas neuze dreist ar c'hoad gant e garg, flip, flip, flip !... — (Fañch an Uhel, Kontadennoù ar Bobl/1, Al Liamm, 1984, p. 142.)
   • Tennañ a ra ar spilhenn, ha kerkent an evn a deu da vezañ ur briñsez ar gaerañ, [...]. — (Fañch an Uhel, Kontadennoù ar Bobl/3, Al Liamm, 1988, p. 71.)
2. evn bihan: poñsin.
3. Pok, pa gomzer ouzh bugale.
   • Ro eun evn bihan da data ! — (Jules Gros, Le trésor du breton parlé Deuxième Partie, 1970, p. 153.)
4. Paotr, drouk a-wechoù, fentus a-wechoù all.
   • Ma vije mezo, neuze, 'vat, e loenje: hennez a zo eun evn ! — (Jules Gros, Le trésor du breton parlé Deuxième Partie, 1970, p. 153.)
   • Hennez a zo eun evn ! — (Jules Gros, Le trésor du breton parlé Deuxième Partie, 1970, p. 153.)

Gerioù heñvelster

• labous

Deveradoù

• evneta
• evnetaer
• evnetaerezh

• evnoniezh
• evnoniour

En anvioù divoutin :

• Kêr-an-Evned, anv-lec'h.
• Le Nezn, anv-tiegezh, eus kornad Plouganou.

Gerioù kevrennek

• Evnig ar Marv
• evn-Doue
• evn du
• evn galver
• evn garmer
• evn-glas

• evn gwenn
• evn-gwern
• evn-kazh
• evn-mor
• evn-Pêr

• evn-porzh
• evn-preizh
• evn Sant-Nikolaz

Gwelet ivez

• Ar pennad « evn » e-barzh Wikipedia

Daveoù

Roll an daveoù :

• ^[1] : Dictionnaire du vieux breton, p. 168.
• ^[2] : Ar c'hCatholicon
• ^[3] : Lexique Étymologique des termes les plus usuels du Breton Moderne, p. 119.

Notenn

Kavout a reer ar ger "evn" el lennegezh :

• Div gontadenn dastumet gant Fañch an Uhel.
  • Evnig ar Wirionez, an dour a dañs, hag an aval a gan.
  • Evnig e û aour.
• Teir son dastumet gant Fañch an Uhel.
  • Evnig Krec'h-Simon.
  • An Evnig rous.
  • Evnig Sant Nikolaz .