Яўген Міхайлавіч Харытоненка

Яўген Міхайлавіч Харытоненка
Яўген Міхайлавіч Харытоненка
Дата нараджэння	16 ліпеня 1920
Месца нараджэння	Елісаветград, Елісаветградскі павет[d], Украінская Народная Рэспубліка;
Дата смерці	19 лістапада 1998 (78 гадоў)
Грамадзянства	СССР; Беларусь;
Род дзейнасці	мастак, педагог
Месца працы	Мінскае мастацкае вучылішча; Беларуская акадэмія мастацтваў;
Жанр	партрэт, нацюрморт і пейзаж
Вучоба	Кіеўскі дзяржаўны мастацкі інстытут (1953);
Член у	Саюз мастакоў БССР;

Яўген Міхайлавіч Харытоненка (16 ліпеня 1920, Крапыўныцкы, Украіна — 19 лістапада 1998) — беларускі жывапісец, педагог.

Біяграфія

Скончыў у 1953 годзе Кіеўскі мастацкі інстытут. У 1955—1957 гадах выкладаў у Мінскім мастацкім вучылішчы, у 1969—1994 гадах у Беларускім тэатральна-мастацкім інстытуце.

Член Беларускага саюза мастакоў з 1957 года.

Творчасць

Працаваў пераважна ў жанрах партрэта, нацюрморта, пейзажа. Яго работы вылучаюцца тонкім пачуццём колеру, дасканаласцю мастацкіх форм, вытанчанасцю малюнка, багатымі тонавымі градацыямі. Сярод работ: «Студэнтка» (1967), «На родных прасторах. Янка Купала» (1968), партрэты беларускіх мастакоў А. Анікейчыка (1976), В. Шаранговіча (1980), У. Басалыгі (1983); актрыс А. Клімавай (1976, 1978), Л. Давідовіч (1978), Н. Галеевай (1982); М. Танка (1983) і інш. пісьменнікаў; дзіцячыя партрэты «Пеначка» (1960), «Школьніца» (1968), «Ганначка» (1982), «Салдаткі» (1995); пейзажы «Восень. Сонечны дзень» (1954), «Хата ў Кісялях» (1955), «Вясна» (1962), «Ваколіца» (1967), «На Полаччыне» (1976), «Зіма прыйшла» (1980) і інш., тэматычныя карціны «Няскораныя» (1964), трыпціх «Неспакойныя сэрцы» (1965—1967) і нацюрморты.

Літаратура

Салавей Л. Ф. Харытоненка Яўген Міхайлавіч // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).