Юханна Сельстром

Юханна Сельстром
Род дзейнасці	актрыса, кінаактрыса
Дата нараджэння	30 снежня 1974(1974-12-30)[…]
Месца нараджэння	Хегерстэнс[d], камуна Стакгольм, лен Стакгольм, Швецыя
Дата смерці	13 лютага 2007(2007-02-13)[…] (32 гады)
Месца смерці	Slottsstadens församling[d], Мальмё, лен Сконэ, Швецыя
Месца пахавання	могілкі Катарыны[d]
Грамадзянства	Швецыя
Узнагароды і прэміі	Guldbagge Award for Best Actress in a Leading Role[d] (1998)
Медыяфайлы на Вікісховішчы

Юханна Марыя Элінор Сельстром (швед. Johanna Maria Ellinor Sällström), у дзявоцтве — Берглунд (швед. Berglund); 30 снежня 1974, Стакгольм, Швецыя — 13 лютага 2007, Мальмё, лен Сконэ, Швецыя) — шведская актрыса. Лаўрэат прэміі «Залаты жук» (1998).

Біяграфія

Нарадзілася 30 снежня 1974 года ў Стакгольме. У 15-гадовым узросце дэбютавала на сцэне тэатра, сыграўшы ў экранізацыі камедыі Уільяма Шэкспіра «Сон у летнюю ноч». Яна здымалася ў кіно з 1994 года, за сваю кінакар’еру даўжынёю больш чым у дзесяць гадоў, сыграла каля 30-ці роляў у фільмах і серыялах. У 1998 годзе Юханна перамагла ў намінацыі «Лепшая жаночая роля» прэміі «Залаты жук» за ролю Сандры ў фільме «Пад паверхняй».

У 2000—2002 гады была замужам за Альбінам Сельстромам, ад якога нарадзіла сваю адзіную дачку — Талулу Сельстром (01.12.2001-23.11.2014).

У 2004 годзе адпачывала ў Тайландзе, Юханна і яе дачка Талула сталі ахвярамі землятрусу ў Індыйскім акіяне, ім цудам удалося выратавацца. Пасля гэтай падзеі ў Сельстом пачаліся сур’ёзныя праблемы з псіхікай. Юханна часта пакутавала ад дэпрэсій і праходзіла курс лячэння ў псіхіятрычнай клініцы, неўзабаве пасля выхаду з якой вырашыла звесці рахункі з жыццём. 32-гадовая актрыса скончыла жыццё самагубствам, наглытаўшыся таблетак 13 лютага 2007 года. 23 лістапада 2014 года, праз 7 гадоў пасля смерці Сельстром, яе дачка Талула таксама скончыла жыццё самагубствам за тыдзень да свайго 13-годдзя.