Эфект бутэлечнага рыльца
Эфект бутэлечнага рыльца, «генетычны корак» (англ.: genetic bottleneck) — нефармальная, умоўная назва, якой азначаецца гвалтоўнае скарачэнне генафонду чалавецтва, выкліканае, найбольш імаверна, катастрафічным вывяржэннем вулкана Тоба каля 73 тыс. гадоў таму, а таксама спрычыненымі вывяржэннем глабальнымі кліматычнымі зменамі, якія трывалі да некалькіх тысяч гадоў.
З-за сваёй слабой здольнасці да прыстасавання, тагачасная папуляцыя Homo sapiens была вынішчана не толькі на плошчы масіўнага выпадання попелу, якая амаль супадала з тэрыторыяй ранняга рассялення чалавецтва (Усходняя Афрыка, даліна Нілу, Блізкі Усход, Пярэдняя Азія, магчыма, Індыя), але і ва ўсіх новаўтвораных палеа-арктычных кліматычных зонах; так, у міжземнаморскім рэгіёне ранняя папуляцыя Homo sapiens была замененая лепей адаптаванымі да холаду неандэртальцамі.
Ацэнкі зніжэння разнастайнасці папуляцыі чалавецтва вагаюцца ад 40—600 жанчын (разам, верагодна, меней за 3000 індывідаў)[1], 500—3000 жанчын[2], 1000—4300 індывідаў[3] да мін. 10000 жанчын рэпрадукцыйнага ўзросту[4]. Месцам, дзе захавалася папуляцыя чалавецтва, відавочна, была Усходняя Афрыка, на поўдзень ад экватара.
Крыніцы
[правіць | правіць зыходнік]Літаратура
[правіць | правіць зыходнік]- George Weber. Toba Volcano. У Сеціве Архівавана 29 студзеня 2007.
 | |
|---|---|
| Працэсы біялагічнай эвалюцыі | |
| Механізмы папуляцыйнай генетыкі | |
| Узнікненне жыцця | |
| Гісторыя эвалюцыйнага вучэння | |
| Сучасныя канцэпцыі | |
| Эвалюцыя (Агульная храналогія) | |
Слоўнікі і энцыклапедыі | |
|---|---|
| Нарматыўны кантроль | Microsoft: 105076106 |