Шолам Іонавіч Хінчын

Шолам Іонавіч Хінчын
Шолам Іонавіч Хінчын
Дата нараджэння	25 снежня 1916
Месца нараджэння	Белая Царква, Кіеўская губерня, Расійская імперыя;
Дата смерці	1991
Месца смерці	Гомель, Гомельская вобласць, Беларусь;
Месца пахавання	Могілкі Асаўцы[d];
Грамадзянства	Расійская імперыя; СССР;
Альма-матар	Кіеўскі інжынерна-будаўнічы інстытут (1951);
Месца працы	Гомельграмадзянпраект[d]; БелІІЧТ;
Партыя	КПСС;
Член у	Саюз архітэктараў СССР; Беларускі саюз архітэктараў;
Узнагароды

Шолам Іонавіч Хі́нчын (25 снежня 1916, г. Белая Царква, Кіеўская вобласць — 1991, Гомель) — беларускі архітэктар.

Біяграфія

Удзельнік Вялікай Айчыннай вайны. Член КПСС з 1943 года. Скончыў у 1951 годзе Кіеўскі інжынерна-будаўнічы інстытут. З 1951 па 1982 г. працаваў галоўным архітэктарам праектаў, кіраўніком майстэрні аб’ёмнага праектавання, галоўным спецыялістам-архітэктарам у інстытуце «Гомельграмадзянпраект»^[1]. У 1957—1977 гадах выкладаў у Беларускім інстытуце інжынераў чыгуначнага транспарту, у 1962—1972 гадах дацэнт^[2].

Пражываў у Гомелі^[1]. Пахаваны на гомельскіх могілках Асаўцы^[3].

Асноўныя работы (усе ў Гомелі): 162-кватэрны (1952—1954), 140-кватэрны (1962—1964) па праспекце Леніна, 670-кватэрны (1967—1969, з С. Ф. Паўлавым) жылыя дамы^[1], жылыя дамы па вуліцах Камсамольскай (1966, у сааўтарстве), Білецкага (1967), Пушкіна (1978), будынак Гомельскага гарвыканкама Савета народных дэпутатаў (1958—1960^[1]), навучальны (1961) і спартыўны (1969)^[1] карпусы Беларускага інстытута інжынераў чыгуначнага транспарту (2-я чарга, з В. С. Бурлакам^[1]), сярэдняя школа № 10 па вул. К. Маркса (1968), чыгуначны паштамт і блок інтэрнатаў на праспекце Кастрычніка (1990, усе ў сааўтарстве). Аўтар праекта планіроўкі і забудовы Прывакзальнай пл. (1954—1959), праекта аднаўлення і рэканструкцыі Палаца культуры шклозавода (1954—1956^[1])^[2].

Узнагароджаны ордэнам Айчыннай вайны II ступені (1985), медалямі^[1].

↑ ^а ^б ^в ^г ^д ^е ^ё ^ж ^з Хинчин Шолом Ионович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
↑ ^а ^б Хінчын Шолам Іонавіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
↑ Осовцы. Хинчин Шолом Ионович 1916—1991

Хінчын Шолам Іонавіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
Хинчин Шолом Ионович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)