Шлем
Шле́м — частка засцерагальнага ўзбраення, прызначаная для абароны галавы, таксама спецыяльны галаўны ўбор у некаторых родах сучасных войскаў, элемент рыштунку ў лётчыкаў, касманаўтаў, вадалазаў, засцерагальны галаўны ўбор у спорце, прамысловасці[1].
Шлемы вядомыя з часоў ранняй бронзы і выкарыстоўваюцца да гэтага часу. Шлемы вырабляліся з розных матэрыялаў — акрамя металічных вядомы шлемы з дрэва (Мезаамерыка), скуры ці нават касцей (напрыклад, чукчы выкарыстоўвалі шлемы з аленевых рэбраў). Сучасныя шлемы цывільнага прызначэння, як правіла, вырабляюцца з пластыку.
![](http://upload.wikimedia.org/wikipedia/commons/thumb/5/5b/Millward0004_211.jpg/200px-Millward0004_211.jpg)
Нягледзячы на ўсю разнастайнасць форм, шлемы заўсёды абаранялі верхнюю частку чэрапа, а таксама, як правіла, патыліцу і галаву па баках да ўзроўню вушэй, непараўнальна радзей твар і шыю. Ахова галавы ад страсення мозгу патрабуе ад шлема цвёрдай канструкцыі. Для зручнасці нашэння і для паляпшэння ахоўных уласцівасцей, як правіла, шлемы мелі, а сучасныя заўсёды маюць сістэму амартызацыі ўдару — падкладку або падвеску (сучасныя шлемы практычна ўсе маюць менавіта падвеску).
Зноскі
Спасылкі
[правіць | правіць зыходнік]На Вікісховішчы ёсць медыяфайлы па тэме Шлем