Сяргей Іванавіч Усенка

Сяргей Іванавіч Усенка
Дата нараджэння	11 жніўня 1943(1943-08-11)
Месца нараджэння	Паўлава, Паўлаўскі раён, Горкаўская вобласць, РСФСР, СССР
Дата смерці	11 верасня 2011(2011-09-11) (68 гадоў)
Месца смерці	Мінск, Беларусь
Грамадзянства	Беларусь
Альма-матар	Уральскі політэхнічны інстытут імя С. М. Кірава[d] (1960-я) Уральскі філіял Маскоўскага архітэктурнага інстытута[d] (1968)
Месца працы	Уральскі завод цяжкага машынабудавання[d] Мінскпраект Белдзіпрагандаль Белжылпраект Беларускі канструктарска-тэхналагічны інстытут гарадской гаспадаркі[d]
Член у	Беларускі саюз архітэктараў Саюз архітэктараў СССР

Сяргей Іванавіч Усенка (нар. 11 жніўня 1943, г. Паўлава-на-Ацэ, РСФСР — 11 верасня 2011, г. Мінск) — беларускі архітэктар.

Біяграфія

Скончыў Уральскі політэхнічны інстытут імя С. М. Кірава, у 1968 годзе Уральскі філіял Маскоўскага архітэктурнага інстытута па спецыяльнасці «Архітэктура». Архітэктар Уральскага завода цяжкага машынабудавання у г. Свярдлоўску. У 1969 годзе запрошаны архітэктарам у праектны інстытут «Мінскпраект», кіраўнік групы архітэктараў у Белдзіпрагандлі, кіраўнік майстэрні ў Белжылпраекце, з 1981 года — галоўны архітэктар Беларускага канструктарска-тэхналагічнага інстытута гарадской гаспадаркі Міністэрства жыллёва-камунальнай гаспадаркі БССР. З 1985 года кіраўнік творчай майстэрні ў ДПІ «Мінскпраект», з 1990 года галоўны архітэктар жыллёвага будаўніцтва. У 2006 адкрыў сваю творчую майстэрню.

Член Саюза архітэктараў СССР з 1972 года. Пражываў у Мінску.

Творчасць

Асноўныя працы (у аўтарскім калектыве): будынак філіяла Лендзіпрамясамалпрама па вул. В. Харужай, рэканструкцыя цэнтральнага сквера, матэля, паштамта, корпуса гасцініцы «Мінск», дрэваапрацовачны камбінат у Барысаве (1980), актыўна браў удзел у распрацоўцы рэстаўрацыі і рэканструкцыі Траецкага прадмесця г. Мінска (1970—1983), быў адным з яго ініцыятараў.

Літаратура

• Усенко Сергей Иванович // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Усенко Сергей Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)