Стэфан Неманя
Стэфан Неманя | |
---|---|
![]() | |
Нараджэнне |
каля 1113[1] ці 1114[2] |
Смерць |
13 лютага 1199 |
Месца пахавання | |
Род | Няманічы |
Бацька | Завіда[d] |
Жонка | Анастасія Сербская[d] |
Дзеці | Святы Сава, Вукан Неманіч і Стэфан Першавенчаны[d][3] |
Веравызнанне | праваслаўе і Сербская праваслаўная царква |
Аўтограф |
![]() |
![]() |
![](http://upload.wikimedia.org/wikipedia/commons/6/6a/Nemanja.jpg)
Стэ́фан I Не́маня (1114, Рыбніца — 13 лютага 1200, манастыр Хіландар) — сербскі вялікі князь (жупан), заснавальнік дынастыі Няманічаў.
Біяграфія
[правіць | правіць зыходнік]Нарадзіўся ў 1114 годзе ад сербскага жупана Завіда і быў малодшым з чатырох сыноў.
У 1170 годзе ў барацьбе са сваімі братамі заняў сербскі велікакняжацкі трон і абвясціў пра незалежнасць Сербіі ад Візантыі. У выніку ўмелай замежнапалітычнай дзейнасці павялічыў тэрыторыю сербскай дзяржавы. Адзіная феадальная дзяржава, якая склалася пры ім да канца XII стагоддзі ўключала Зэту, Рашку, Хум, частку Адрыятычнага прымор’я і на ўсходзе — землі да Срэдзеца (Сафіі).
У 1196 годзе Стэфан I Неманя, ва ўзросце 82 гадоў, адрокся ад прастола перадаўшы велікакняжацкую ўладу свайму сыну — Стэфану Першавенчанаму, прыняў манаскі пострыг з імем Сімяон і пасяліўся ў манастыры Студзеніца.
Неўзабаве пайшоў услед за сваім сынам — святым Савам, на святую гару Афон у заснаваны ім афонскі манастыр Хіландар, дзе праз 4 года, 13 лютага 1199, 1200(?) годзе, сканаў.
Ушанаванне памяці
[правіць | правіць зыходнік]Кананізаваны Сербскай праваслаўнай царквой у ліку святых, з імем прападобны Сімяон Міратачывы, з прычыны таго, што з яго мошчаў сачылася святая міра. Памяць яго здзяйсняецца 13 (26) 2.
Святы Сава перанёс рэшткі свайго бацькі на радзіму ў Сербію і паклаў у храме Прасвятой Багародзіцы ў манастыры Студзеніца. Гэты храм і манастыр Стэфан Неманя ўзвёў і багата ўпрыгожыў, яшчэ быўшы князем.
Сям’я
[правіць | правіць зыходнік]Стэфан Неманя заснаваў сярэдневяковую сербскую дынастыю Няманічаў. Ад княгіні Анастасіі меў трох сыноў і трох дочак:
- Вукан (да 1165 — пасля 1207), князь Дуклі (1190—1208), і вялікі князь Сербіі (1202—1204)
- Стэфан (1165—1228), вялікі князь Сербіі (1196—1217), кароль Рашкі (Сербія) (1217—1227), з 1227 года манах Сімон
- Растка (1169/71/74/75—1235/36), архібіскуп незалежнай сербскай царквы, вядомы і кананізаваны пад манаскім імем Сава
- Яфімія, жонка Мануэла Ангеласа Дукі, рэгента Салонікі
- невядомая па імі дачка
- невядомая па імі дачка
Зноскі
- ↑ http://genealogy.euweb.cz/balkan/balkan5.html
- ↑ Deutsche Nationalbibliothek Record #118922459 // Агульны нарматыўны кантроль — 2012—2016. Праверана 16 кастрычніка 2015.
- ↑ Lundy D. R. The Peerage
Спасылкі
[правіць | правіць зыходнік]На Вікісховішчы ёсць медыяфайлы па тэме Стэфан Неманя