Студэнт

Студэ́нт (лац.: studens — стараннік) — навучэнец вышэйшай навучальнай установы. Пры вочным навучанні слухае лекцыі і ўдзельнічае ў семінарах. Затым здае залікі і экзамены, выконвае курсавыя працы і ўдзельнічае ў практыцы паводле спецыяльнасці. Пры сканчэнні навучання выконвае дыпломную працу. Пры завочным навучанні абавязваецца наведваць ВНУ толькі для здачы экзаменаў.

У 1287 г. у Балонскім універсітэце (Тасканская марка, Свяшчэнная Рымская імперыя; цяпер рэгіён Эмілія-Раманья, Італія) з'явіўся студэнцкі гімн «Давайце радавацца» (лац. Гаўдэамус). 17 лістапада 1941 г. на Міжнароднай сустрэчы студэнтаў у Лондане (Англія) пастанавілі адзначаць Міжнародны дзень студэнта ў гонар чэшскіх студэнтаў Карлавага ўніверсітэта (Прага, Пратэктарат Багеміі і Маравіі, Трэці Рэйх; цяпер Чэхія), забітых нямецкімі акупантамі двума гадамі раней.

Беларусь

На студзень 2012 г. у 55 ВНУ Беларусі навучаліся звыш 450 тыс. студэнтаў (4,7 % насельніцтва Беларусі), з іх 96 тыс. першакурснікаў. У Мінску навучаліся 53 % студэнтаў. Навучанне ў 64 % выпадкаў ажыццяўлялася платна за ўласныя сродкі. 34 % студэнтаў атрымлівалі вышэйшую адукацыю за кошт урадавых выдаткаў у абмен на адпрацоўку па размеркаванні. Прадпрыемствы аплочвалі навучанне 2 % студэнтаў з ліку сваіх супрацоўнікаў. На верасень 2011 г. стыпендыю атрымлівала палова студэнтаў. Іншагароднія складалі 56 % студэнтаў. У студэнцкіх гуртажытках пражывалі каля 82 тыс. студэнтаў дзённага навучання (2/3 іншагародніх заяўнікаў). Моладзь ва ўзросце ад 17 да 24 гадоў складала 82 % студэнтаў. Мужчыны — 41 %. Таксама ў ВНУ Беларусі навучаліся 11 тыс. замежных грамадзян (2,4 % ад агульнага ліку)^[1].

Зноскі

↑ Надзея Нікалаева. Месца ў студэнцкім інтэрнаце маюць дзве трэці з тых, хто мае патрэбу // Звязда : газета. — 25 студзеня 2012. — № 15 (27130). — С. 1. — ISSN 1990-763x.(недаступная спасылка)

Літаратура

Барыс Рагуля. Беларускае студэнцтва на чужыне / рэд. Лявон Юрэвіч. — Лондан (Канада), 1996. — 206 с.

Спасылкі

Студэнт (нявызн.). Газета «Звязда» (18 лютага 2016). Праверана 25 лютага 2016.
Студэнцтва (нявызн.). Газета «Новы час» (1 лютага 2016). Праверана 25 лютага 2016.
Студэнты (нявызн.). Адукацыя - стыль жыцця (22 лютага 2016). Праверана 25 лютага 2016.
Студэнты (нявызн.). Пакаленне Y (14 снежня 2015). Праверана 25 лютага 2016.
Беларускамоўнае студэнцтва БДМУ (нявызн.). У Кантакце (2 студзеня 2016). Праверана 25 лютага 2016.
Змітрок Бядуля. Да беларускага студэнцтва (нявызн.)(недаступная спасылка). Сайт пра пісьменніка (2 студзеня 2016). Архівавана з першакрыніцы 20 чэрвеня 2015. Праверана 25 лютага 2016.

[1] Надзея Нікалаева. Месца ў студэнцкім інтэрнаце маюць дзве трэці з тых, хто мае патрэбу // Звязда : газета. — 25 студзеня 2012. — № 15 (27130). — С. 1. — ISSN 1990-763x.(недаступная спасылка)

[1]