Павел Юр’евіч Садоўскі

Павел Садоўскі
Поўнае імя	Павел Юр’евіч Садоўскі
Нарадзіўся	17 лютага 1999(1999-02-17) (25 гадоў) Беразінскае, Гарадзілаўскі сельсавет, Маладзечанскі раён, Мінская вобласць, Беларусь
Грамадзянства	Беларусь
Рост	180 см
Вага	73 кг
Пазіцыя	паўабаронца
Клубная кар’ера
2015—2016 Дынама (Мінск) 0 (0) 2017 Маладзечна-ДЮСШ-4 8 (0) 2019 Арсенал (Дзяржынск) 1 (0) 2020 Смалявічы 1 (0)
Нацыянальная зборная
2014—2015 Беларусь (да 17) 6 (0)

Павел Садоўскі (нар. 17 лютага 1999, Беразінскае) — беларускі футбаліст, паўабаронца.

Клубная кар’ера

Выхаванец мінскага «Дынама», у 2015—2016 гадах гуляў за дубль. У другой палове 2017 года выступаў у Другой лізе за «Маладзечна-ДЮСШ-4». У ліпені 2019 года далучыўся да дзяржынскага «Арсенала», аднак згуляў толькі ў адным матчы Другой лігі і адным кубкавым, і ўжо ў жніўні пакінуў каманду.

Са студзеня 2020 года трэніраваўся са «Смалявічамі» і ў выніку пачаў сезон у складзе клуба. 20 сакавіка 2020 года дэбютаваў у Вышэйшай лізе, выйшаўшы на замену ў канцы сустрэчы з брэсцкім «Дынама» (1:1). У далейшым выступаў за дубль. У ліпені 2020 года пакінуў клуб.

Міжнародная кар’ера

Гуляў за юнацкую зборную Беларусі (да 17 гадоў) у кваліфікацыйных раўндах чэмпіянату Еўропы ў кастрычніку 2014 і кастрычніку 2015 гадоў, у сакавіку 2015 года выступаў у элітным раўндзе чэмпіянату Еўропы.

Статыстыка выступленняў

Сезон	Дывізіён	Клуб	Краіна	Матчы	Галы
2015	дубль	Дынама		10	0
2016	дубль	Дынама		3	0
2017 (2)	Д3	Маладзечна-ДЮСШ-4		8	0
2019 (сяр.)	Д3	Арсенал		1	0
2020 (1)	Д1	Смалявічы		1	0