Мікалай Піліпавіч Карасёў

Мікалай Піліпавіч Карасёў
Мікалай Піліпавіч Карасёў
Дата нараджэння	27 ліпеня 1934
Месца нараджэння	Пісарава, Дабейскі сельсавет, Сіроцінскі раён, БССР, СССР;
Дата смерці	10 лютага 2017 (82 гады)
Грамадзянства	СССР; Беларусь;
Род дзейнасці	навуковец
Навуковая сфера	ветэрынарыя
Месца працы	Віцебская дзяржаўная акадэмія ветэрынарнай медыцыны; Бярэзінскі біясферны запаведнік; Інстытут ветэрынарнай медыцыны Паўднёва-Уральскага дзяржаўнага аграрнага ўніверсітэта[d];
Навуковая ступень	доктар ветэрынарных навук (1988)
Навуковае званне	прафесар (1990);
Альма-матар	Віцебскі ветэрынарны тэхнікум[d] (1954); Віцебскі ветэрынарны інстытут (1959);
Узнагароды	Ганаровая грамата Міністэрства сельскай гаспадаркі і харчавання Рэспублікі Беларусь[d]

Мікалай Піліпавіч Карасёў^[1] (27 ліпеня 1934 — 10 лютага 2017^[2]) — вучоны ў галіне ветэрынарыі, доктар ветэрынарных навук (1988), прафесар (1990). Правадзейны член Міжнароднай акадэміі экалогіі.

Біяграфія

Нарадзіўся ў вёсцы Пісарава Сіроцінскага раёна (сучасны Шумілінскі раён, Віцебская вобласць, Беларусь). Скончыў Віцебскі ветэрынарны тэхнікум у 1954 годзе, у 1959 годзе — Віцебскі ветэрынарны інстытут, у 1965 годзе — аспірантуру пры ім^[3]. У 1959—1968 гадах працаваў у Бярэзінскім дзяржаўным запаведніку на пасадзе старшага навуковага супрацоўніка. У 1968—1970 гадах у Троіцкім ветэрынарным інстытуце (у горадзе Троіцк) на пасадзе старшага выкладчыка^[3].

З 1970 года М. П. Карасёў у Віцебскім ветэрынарным інстытуце (сучасная ВДАВМ). У 1970—1990 гадах дацэнт кафедры паразіталогіі і інвазійных хвароб, у 1990—2017 гадах — прафесар^[3].

Навуковая дзейнасць і грамадская

Займаўся вывучэннем паразітозаў сельскагаспадарчых і паляўніча-прамысловых жывёл Беларусі і распрацоўка мерапрыемстваў па барацьбе з імі.

Сярод апублікаванага:

Трематодозы диких копытных Белоруссии. — Мн., 1951. (разам з В. Ф. Літвінавым)
Личиночные цестодозы животных / Н. Ф. Карасёв, Т. Г. Никулин, Н. К. Слепнев. — Минск: Ураджай, 1989.
Паразитарные болезни животных: Справочное пособие. — Мн., 1991. (разам з М. В. Якубоўскім)
Выращивание и болезни собак: учебное пособие / Н. Ф. Карасёв, С. С. Абрамов, А. И. Ятусевич, В. А. Кирпиченок, В. М. Лакисов, А. С. Терещенков, В. Ф. Литвинов, А. Ф. Могиленко. — Минск : Ураджай, 1993.
Болезни кожи собак и кошек. — Мн., 2000 (разам з В. С. Пруднікавым).

Правадзейны член Міжнароднай акадэміі экалогіі, член Усесаюзнага таварыства гельмінтолагаў, Усесаюзнага тэрыялагічнага таварыства.

Удзельнічаў у напісанні падручнікаў для студэнтаў сельскагаспадарчых ВНУ:

Паразіталогія і інвазійныя захворванні жывёл : падручнік па спецыяльнасці «Ветэрынарная медыцына» / А. І. Ятусевіч, М. П. Карасёў, М. В. Якубоўскі; пад агульнай рэдакцыяй А. І. Ятусевіча. — Мінск : Ураджай, 1998. — 463, [1] с. : іл. ; 21 см. — (Падручнікі і вучэбныя дапаможнікі для сельскагаспадарчых вышэйшых навучальных устаноў). — 1500 экз. — ISBN 985-04-0034-X (у пераплёце)

Узнагароды і званні

Юбілейны медаль «100 год з дня нараджэння К. І. Скрабіна» (1983),
Ганаровыя граматы Міністэрства вышэйшай адукацыі СССР, Міністэрства сельскай гаспадаркі СССР, Міністэрства сельскай гаспадаркі і харчавання Рэспублікі Беларусь,
нагрудны знак «Выдатнік адукацыі Рэспублікі Беларусь» (2004),
залаты медаль Амерыканскага біяграфічнага інстытута (2010).

Зноскі

↑ Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8.
↑ Вучоныя Беларусі. Карасёў, Мікалай Піліпавіч (доктар ветэрынарных навук; 1934—2017).
↑ ^а ^б ^в Карасёв Николай Филиппович (руск.) // Афіцыйны сайт ВДАВМ

Літаратура

Карасёў Мікалай Піліпавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 56. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

[БЭ8-1] Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8.

[2] Вучоныя Беларусі. Карасёў, Мікалай Піліпавіч (доктар ветэрынарных навук; 1934—2017).

[ВДАВМ-3] а ^б ^в Карасёв Николай Филиппович (руск.) // Афіцыйны сайт ВДАВМ

[1]

[2]

[3]