Мікалай Міхайлавіч Паграноўскі

Мікалай Міхайлавіч Паграноўскі
Мікалай Міхайлавіч Паграноўскі
Дата нараджэння	21 лютага 1952 (72 гады)
Месца нараджэння	Бечы, Азяранскі сельсавет, Тураўскі раён, Палеская вобласць, БССР, СССР;
Род дзейнасці	мастацтвазнавец, мастацкі крытык, куратар, галерыст
Месца працы	Нацыянальны мастацкі музей Рэспублікі Беларусь; Мінскае мастацкае вучылішча імя А. К. Глебава; Беларуская акадэмія мастацтваў; Гісторыка-культурны музей-запаведнік «Заслаўе»;
Альма-матар	Мінскае мастацкае вучылішча імя А. К. Глебава (1978); Інстытут жывапісу, скульптуры і архітэктуры імя І. Я. Рэпіна (1989); Беларуская акадэмія мастацтваў (1993);
Член у	Беларускі саюз мастакоў;
Прэміі	Прэмія «За духоўнае адраджэнне»
	Медыяфайлы на Вікісховішчы

Мікалай Міхайлавіч Паграно́ўскі (нар. 21 лютага 1952^[1], Бечы, Жыткавіцкі раён, Гомельская вобласць, БССР) — беларускі мастацтвазнавец, мастацкі крытык, куратар і галерыст.

Біяграфія

Пасля службы у Савецкай Арміі, вучыўся на мастацка-афарміцельскім аддзяленні ў Мінскім мастацкім вучылішчы імя А. Глебава, якое скончыў у 1978 годзе. Пасля вучобы 8 гадоў займаўся афармленнем розных аб’ектаў у Мінску і іншых гарадах Беларусі. У 1986—1989 гадах вучыўся ў Ленінградскім інстытуце жывапісу, скульптуры і архітэктуры імя І. Я. Рэпіна на мастацтвазнаўчым аддзяленні, заканчваў вучобу ў Мінску, у Беларускай акадэміі мастацтваў, якую скончыў у 1993 годзе па спецыяльнасці «Тэорыя і гісторыя мастацтва».

У 1986—2001 гадах працаваў у Нацыянальным мастацкім музеі Рэспублікі Беларусь, з 1990 года — галоўным захавальнікам. Паралельна ў 1989—1991 гадах выкладаў у Мінскім мастацкім вучылішчы імя А. Глебава, у 1994—1999 гадах — у Беларускай акадэміі мастацтваў.

Працаваў кіраўніком мастацкай галерэі «ONIK». Куратар многіх пленераў і канцэптуальных выставак.

У 2005—2015 гадах працаваў дырэктарам дзяржаўнай установы Гісторыка-культурны музей-запаведнік «Заслаўе».

У 2016—2023 гадах — галоўны захавальнік фондаў, старшы навуковы супрацоўнік Мемарыяльнага музея-майстэрні З. І. Азгура.

З 2023 году працуе навуковым супрацоўнікам Гісторыка-культурнага музея-запаведніка «Заслаўе».

Працаваў на радыё, тэлебачанні, піша сцэнарыі. Эксперт і старшыня мастацкага савету антыкварнага дому «Paragis».

Сябра Беларускага саюзу мастакоў з 1996 года, намеснік старшыні секцыі крытыкі.

Навуковая дзейнасць

Рэцэнзент па выяўленчым мастацтве Беларускай Энцыклапедыі ў 18 тамах. Аўтар 22 каталогаў, 7 альбомаў і кніг, шматлікіх артыкулаў па выяўленчым мастацтве Беларусі ХІХ-ХХІ стст.

Таксама вядомы у сувязі з скандалам вакол сапраўднасці новазнойдзенага жывапіснага твора Марка Шагала «Певень» — М. Паграноўскі адзіны з беларускіх мастацтвазнаўцаў, хто лічыць карціну сапраўднай.

Узнагароды

Лаўрэат прэміі Рэспублікі Беларусь «За духоўнае адраджэнне».

Галерэя

На адкрыцці выстаўкі маляваных дываноў Алены Кіш «На шчасце» са збору Заслаўскага музея ў Мастацкай галерэі Міхаіла Савіцкага:

Адкрыццё выстаўкі твораў Марыты Голубевай. 18.06.2014, Палац Мастацтва
Адкрыццё выстаўкі «Лабірынт» 14.04.2015, Палац Мастацтва
«Круглы стол» у Нацыянальным Цэнтры сучаснага мастацтва, 17.03.2015. Злева направа: Мікола Паграноўскі, Дзяніс Барсукоў, Сяргей Грыневіч, Аляксандр Радаеў
Адкрыццё «Восеньскага салона з Белгазпромбанкам», 8.10.2015. З Раманам Заслонавым

Зноскі

↑ Николаю Михайловичу Пограновскому — 60 лет Архівавана 30 студзеня 2019. (руск.)

Літаратура

Асадулаев, Х. Г. Проблески таинства: поэзия, живопись, графика, скульптура / Текст: А. Ю. Аврутин, Н. М. Пограновский. Минск : Кнігазбор, 2011. — 187 с.
Герасіменка, Ю. Графіка: Альбом / Прадмова М.Паграноўскага. Б.м., Б.г. — [31] c.
Касцючэнка В. Жывапіс: Альбом / Уступ. арт. М.Паграноўскага — Мінск: ТАА «Асар», 1999. — [44] c.
Кравченко, А. Изоматериал: альбом / текст: Н. Пограновский, Т. Котович. Витебск : Витебская областная типография. 2017. — 71 с.
Кузнецов, А. Колористические пространства: Живопись / Сост. Н.Пограновский. Мн., 1997. — 70 с.
Кузнецова, И. И. Изоматериал / Составитель, автор предисловия Н. Пограновский. Минск : Влад, 1994. — [24] c.
Паграноўскі, М. М. Інтэрпрэтацыі: нарысы пра сучасных беларускіх мастакоў / Мікалай Паграноўскі. Мінск: Галіяфы, 2012. — 118 с., іл.
Паграноўскі, М. М. Сучасны беларускі жывапіс [Выяўленчы матэрыял]: з калекцыі Пріорбанка / А. Б. Спрынчан, М. М. Паграноўскі. Мінск : Калекшн, 2017. — 295 с.
Рыбчынская, О. О времени и о себе // «Камэта», 2005.
Ястраб, Ф. Санеты : у 5 т. — Мінск : Галіяфы. Т. 3: Жыццё, як час сарванай ружы : скарбонка санетаў / Прадмова М. Паграноўскага. — 2016. — 153, [6] с., [8] л. іл.
Victor Sachno: Catalogue of painting / Comp.: Nikolai Pogranovsky. S. l., 1999. — 36 p.

Спасылкі

Прэзентацыя збору артыкулаў мастацтвазнаўцы Мікалая Паграноўскага «ІНТЭРПРЭТАЦЫІ» Архівавана 11 красавіка 2017.. Мінская абласная бібліятэка імя А. Пушкіна. Мінск.
В подвалы ЦК КПБ после путча «сослали» 47 портретов Ленина кисти Михаила Савицкого(недаступная спасылка). Сергей Трефилов. Комсомольская правда. Рассказывал искусствовед Николай Пограновский. 21.08.2018 г.
«На мастака Савіцкага ён збіраў кампрамат» Архівавана 31 жніўня 2019.. 7 фактаў пра скульптара, чые працы вы бачыце кожны дзень. Пра Заіра Азгура расказваюць Мікалай Паграноўскі і Дзмітрый Міхееў.
Неподдельные истории. Дмитрий Корсак. Издательский дом «Беларусь сегодня». 06.02.2004.

[1] Николаю Михайловичу Пограновскому — 60 лет Архівавана 30 студзеня 2019. (руск.)

[1]