Мікалай Мікалаевіч Андруковіч

Мікалай Мікалаевіч Андруковіч
Дата нараджэння	15 снежня 1959(1959-12-15) (64 гады)
Месца нараджэння	Жодзіна, Смалявіцкі раён, Мінская вобласць, БССР, СССР
Род дзейнасці	мастак
Месца працы	Факультэт народнай культуры БДПУ[d] факультэт эстэтычнай адукацыі БДПУ імя М. Танка
Жанр	станковы жывапіс[d], пейзаж і нацюрморт
Вучоба	Беларуская дзяржаўная акадэмія мастацтваў Інстытут павышэння кваліфікацыі і перападрыхтоўкі БДПУ імя М. Танка
Уплыў	Іван Пятровіч Харламаў, Аляксей Антонавіч Марачкін і Аляксандр Фёдаравіч Семілетаў
Член у	Беларускі саюз мастакоў

Мікалай Мікалаевіч Андруковіч (нар. 1 студзеня 1959 або 15 снежня 1959, г. Жодзіна) — беларускі мастак.

Біяграфія

Нарадзіўся 15 снежня 1959 года (паводле іншых звестак 1 студзеня 1959) ў горадзе Жодзіна. Скончыў Беларускі тэатральна-мастацкі інстытут у 1980 годзе. Вучыўся ў І. П. Харламава, А. Ф. Семілетава, А. А. Марачкіна. Удзельнік мастацкіх выставак з 1983 года.

Член Беларускага саюза мастакоў з 1990 года. Жыў у Жодзіне.

З канца 2000 года працаваў на кафедры мастацкай і педагагічнай адукацыі факультэта народнай культуры БДПУ. У 2003 годзе скончыў факультэт перападрыхтоўкі спецыялістаў адукацыі Інстытута павышэння кваліфікацыі і перападрыхтоўкі кадраў БДПУ. Цяпер працуе старшым выкладчыкам кафедры мастацка-педагагічнай адукацыі факультэта эстэтычнай адукацыі БДПУ.

Творчасць

Працуе ў станковым жывапісе пераважна ў жанрах пейзажа і нацюрморта, а таксама карціны. Асноўныя творы: палотны «Снег сышоў», «Катастрофа», «Радзіма. Раніца», «Лагойшчына», «Прадчуванне навальніцы», «Летнія навальніцы», «Бярэзіна», «Жоўтае поле», «Сухое дрэва. Роздум», «Чорная кава».

Творы знаходзяцца ў мастацкім цэнтры «Жыльбел», у мастацкіх галерэях і ўласных калекцыях Беларусі, Германіі, Балгарыі, Эстоніі, Швецыі.