Меер Бенцыянавіч Айзенштат
Меер Бенцыянавіч Айзенштат | |
---|---|
Дата нараджэння | 6 (18) студзеня 1895[1] ці 1895 |
Месца нараджэння | |
Дата смерці | 11 лістапада 1961[1] |
Месца смерці | |
Месца пахавання | |
Род дзейнасці | скульптар, графік, дзеяч мастацтваў |
Вучоба | |
Уплыў | Янкель Мордухавіч Кругер, Іосіф Майсеевіч Чайкоў[d], Вера Ігнатаўна Мухіна, Іван Смёнавіч Яфімаў[d] і Уладзімір Андрэевіч Фаворскі |
![]() |
Меер Бенцыянавіч Айзенштат (6 студзеня 1895, Клецк — 11 лістапада 1961) — скульптар, графік[2].
Біяграфія
[правіць | правіць зыходнік]Скончыў рамеснае вучылішча ў Мінску. Працаваў «у прыватных прадпрымальнікаў па слясарнай частцы і электратэхніцы». У перыяд Першай сусветнай вайны быў прызваны на ваенную службу; дэзерціраваў, быў асуджаны[2]. Па вызваленні вярнуўся ў Мінск, дзе прыняў удзел у працы аддзела Камісарыята асветы Беларусі[3].
Першапачатковую мастацкую адукацыю атрымаў у прыватнай студыі Я. М. Кругера ў Мінску (1916—1917). Вучыўся ў Маскве на Адзіным мастацкім рабфаку ВМАТЭМАЙСу (1923—1926), у ВМАТЭМАЙСе — ВМАТЭІНе (1926—1930) у І. М. Чайкова, В. І. Мухінай, С. Ф. Булакоўскага, І. С. Яфімава, У. А. Фаворскага і іншых[2].
Жыў у Маскве. Працаваў у станковай, манументальнай і манументальна-дэкаратыўнай скульптуры. Займаўся партрэтам («К. Ф. Рылееў»,, 1935, гіпс; «А. С. Пушкін», 1936, мармур; «Фельдмаршал М. І. Кутузаў», 1947, фарфор), анімалістыка («Малпа», 1929, дрэва; «Шымпанзэ», 1935, бронза; «Ільвяня», 1940, фаянс); ствараў скульптурна-архітэктурныя і тэматычныя кампазіцыі («Чырвоная армія», 1930, гіпс; «Піянеры», 1932, гіпс; «Калгасніца», 1939, гіпс; «Школьніца», 1955, гіпс; «Фізкультурніца», 1959, гіпс). Выконваў мадэлі для Гжэльскага і іншых керамічных заводаў[2].
Творчасць
[правіць | правіць зыходнік]![](http://upload.wikimedia.org/wikipedia/commons/thumb/9/9b/%D0%9C%D0%B5%D0%B5%D1%80_%D0%90%D0%B9%D0%B7%D0%B5%D0%BD%D1%88%D1%82%D0%B0%D1%82._%D0%9F%D0%B0%D1%80%D1%82%D1%80%D1%8D%D1%82_%D0%BC%D0%B0%D1%81%D1%82%D0%B0%D0%BA%D0%B0_%D0%9C%D1%96%D1%85%D0%B0%D1%96%D0%BB%D0%B0_%D0%A4%D1%96%D0%BB%D1%96%D0%BF%D0%BE%D0%B2%D1%96%D1%87%D0%B0.jpg/250px-%D0%9C%D0%B5%D0%B5%D1%80_%D0%90%D0%B9%D0%B7%D0%B5%D0%BD%D1%88%D1%82%D0%B0%D1%82._%D0%9F%D0%B0%D1%80%D1%82%D1%80%D1%8D%D1%82_%D0%BC%D0%B0%D1%81%D1%82%D0%B0%D0%BA%D0%B0_%D0%9C%D1%96%D1%85%D0%B0%D1%96%D0%BB%D0%B0_%D0%A4%D1%96%D0%BB%D1%96%D0%BF%D0%BE%D0%B2%D1%96%D1%87%D0%B0.jpg)
З 1927 — удзельнік выставак (2-я Усебеларуская мастацкая выстаўка ў Мінску). Экспанент выставак: «Мастакі РСФСР за XV гадоў» (1933—1934), выстаўка-агляд твораў маладых мастакоў (1936), маскоўскіх скульптараў (1937), маскоўскіх мастакоў (1940), «Вялікая Айчынная вайна» (1943), вясновая выстаўка твораў маскоўскіх жывапісцаў і скульптараў (1947), вясновая выстаўка твораў маскоўскіх мастакоў (1955) у Маскве. Член Саюза мастакоў СССР (з 1932); удзельнік многіх усесаюзных выставак[2].
Персанальныя выстаўкі Айзенштадта адбыліся ў Маскве (1986, 1991)[2].
Творы знаходзяцца ў многіх музейных зборах, у тым ліку ў Нацыянальным мастацкім музеі Рэспублікі Беларусь, Дзяржаўнай Траццякоўскай галерэі, Дзяржаўным Рускім музеі, Дзяржаўным музеі А. С. Пушкіна (літаратурным) і іншых[2].
Зноскі
Спасылкі
[правіць | правіць зыходнік]- Меер Айзенштадт (1895-1961) (руск.)