Перайсці да зместу

Крушэнне верталёта ў Браварах

З Вікіпедыі, свабоднай энцыклапедыі
Крушэнне верталёта ў Браварах
Месца крушэння.
Месца крушэння.
Агульныя звесткі
Дата 18 студзеня 2023
Час 8:20
Месца Сцяг Украіны г. Бравары
Загінулыя 14
Параненыя 25
Паветранае судна

Борт 54 у ангары ДСНС Украіны, 2021 год.
Мадэль AS 332 Super Puma  (фр.) (бел.
Авіякампанія ДСНС
Бартавы нумар 54
Пасажыры 7
Экіпаж 3
Выжылых 0

Крушэнне верталёта ў Браварах — авіяцыйная катастрофа, якая адбылася 18 студзеня 2023 года ў горадзе Бравары Кіеўскай вобласці Украіны[1], калі верталёт ДСНС упаў паблізу мясцовага дзіцячага садка.

Верталёт

[правіць | правіць зыходнік]

Пацярпелы катастрофу верталёт быў мадэлі Airbus Н225 Super Puma (набыты ў 2020 годзе[2]). Авіямашыны Украіна закупляла ў Францыі з 2018 года ў рамках праграмы па мадэрнізацыі свайго паветранага парку. Кантракт на суму 551 млн еўра падпісаў тагачасны міністр унутраных спраў Украіны Арсен Авакаў, па якім дзяржава атрымала 55 верталётаў. Машыны былі перададзены паліцыі, пагранічнай службе, ДСНС і Нацгвардыі. Пры гэтым лятальныя апараты пастаўляліся не новымі. Яны былі выпушчаны ў 2009—2012 гадах і мелі да 50% зносу асноўных вузлоў і агрэгатаў. Для патрэб Украіны верталёты праходзілі капітальны рамонт і мадэрнізацыю[3].

Пры гэтым яшчэ ў 2018 годзе ўкраінскія журналісты адзначалі, што некаторыя еўрапейскія дзяржавы, у тым ліку Нарвегія і Польшча, адмовіліся ад эксплуатацыі гэтай мадэлі. Рашэнне было звязана ў першую чаргу з катастрофай у 2016 годзе нарвежскага Airbus Н225 Super Puma  (нарв.) (бел.. Аднак Авакаў усё ж такі вырашыў закупіць машыны[3].

Абставіны

[правіць | правіць зыходнік]

Верталёт AS 332 Super Puma  (фр.) (бел. ЕС-225 (бартавы нумар 54) Дзяржаўнай службы Украіны па надзвычайных сітуацыях, які перавозіў вышэйшае кіраўніцтва МУС Украіны, разбіўся каля 8:20 раніцы 18 студзеня 2023 года ў горадзе Бравары (Кіеўская вобласць)[4]. Падчас туману верталёт упаў паміж дзіцячым садам і жылым домам, пасля чаго пачаўся пажар[5]. Кіраўнік горада Ігар Сапожка  (укр.) (бел. заявіў: «Ад магутнага выбуху разбурэнні атрымалі памяшканні садка і адзін з бліжэйшых дамоў»[5]. У 9:28 пажар у дзіцячым садку быў ліквідаваны[4].

Паводле папярэдніх звестак, ляцячы на нізкай вышыні падчас туману пілот своечасова не ўбачыў вышыннага будынка, пасля чаго паспрабаваў рэзка падняць вышыню, што прывяло да страты кіравання верталётам[6][7]. Служба бяспекі Украіны ўзяла ў распрацоўку тры версіі катастрофы: парушэнне правілаў палёту, тэхнічная няспраўнасць і наўмысныя дзеянні па знішчэнні транспартнага сродку[6].

Крушэнне адбылося на фоне расійскага ўварвання ва Украіну[8]. Намеснік кіраўніка офіса прэзідэнта Украіны Кірыл Цімашэнка  (укр.) (бел. заявіў, што «кіраўніцтва МУС ляцела на верталёце ў камандзіроўку ў адну з "гарачых кропак"»[7]. Па даных выдання «Українська правда», міністр са сваёй камандай накіроўваўся ў Бахмут. На верталёце яны павінны былі дабрацца да Харкаўскай вобласці, а ўжо адтуль дабірацца да пункта прызначэння планавалі на аўтамабілях[2].

Ахвяры

[правіць | правіць зыходнік]

Загінулі ўсе 10 чалавек[9], якія знаходзіліся на борце: 3 члены экіпажа і 7 пасажыраў. У выніку катастрофы загінула кіраўніцтва МУС Украіны: міністр унутраных спраў Дзяніс Манастырскі, яго першы намеснік Яўген Енін  (укр.) (бел. і Дзяржаўны сакратар Міністэрства  (укр.) (бел. Юрый Лубковіч[1][4][4][10].

Агулам загінулі 14 чалавек, з іх 1 дзіця, 25 атрымалі раненні (14 дарослых і 11 дзяцей)[11][12].

Наступствы

[правіць | правіць зыходнік]

Праз некалькі гадзін пасля катастрофы Урад Украіны прызначыў кіраўніка нацпаліцыі  (укр.) (бел. Ігара Кліменка выконваючым абавязкі міністра ўнутраных спраў[13]. Улады абвясцілі трохдзённую жалобу[14].

Расследаванне

[правіць | правіць зыходнік]

У жніўні 2023 года Генеральная пракуратура паведаміла, што пяць службовых асоб Дзяржаўнай службы Украіны па надзвычайных сітуацях знаходзяцца пад падазрэннем у сувязі з гібеллю кіраўніцтва Міністэрства ўнутраных спраў[15].

Па даных следства, чыноўнікі ДСНС прыцягнулі да перавозкі кіраўніцтва МУС Украіны верталёт, які знаходзіўся на дзяжурстве для рэагавання ў выпадку надзвычайных сітуацый у Кіеве і Кіеўскай вобласці, што супярэчыла заканадаўству, так як верталёт не меў дазваленчых дакументаў на іншыя віды палётаў. Экіпажу не было паведамлена аб вельмі неспрыяльных умовах надвор’я ў горадзе Бравары, а сам экіпаж не меў допуску да палётаў у складаных метэаўмовах. З-за складаных метэаўмоў лятальны апарат быў вымушаны здзяйсняць палёт на гранічна нізкай вышыні, якая аказвалася нават ніжэй чым вышыня некаторых будынкаў на маршруце руху. Калі камандзір верталёта ўбачыў перад сабой перашкоду — шматпавярховы дом, ён паспрабаваў здзейсніць манеўр аблёту будынка, аднак ва ўмовах дрэннай бачнасці падчас завяршэння манеўру, з прычыны адсутнасці навыкаў працы ў складаных метэаўмовах, страціў арыенціроўку ў прасторы і сутыкнуўся з зямлёй[16].

Зноскі

[правіць | правіць зыходнік]
  1. ↑ а б Монастирський загинув в авіакатастрофі у Броварах (укр.). ВВС Україна (18 студзеня 2023). Праверана 18 студзеня 2023.
  2. ↑ а б Трагедія в Броварах. Що відомо про катастрофу гелікоптера з керівництвом МВС (укр.). Украинская правда (18 студзеня 2023). Праверана 19 студзеня 2023.
  3. ↑ а б Гвинтокрил Super Puma, який розбився в Броварах. Що про нього відомо (укр.). ВВС Україна (18 студзеня 2023). Праверана 18 студзеня 2023.
  4. ↑ а б в г Офіційна інформація ДСНС щодо надзвичайної ситуації, пов’язаної із авіаційною катастрофою на Київщині (укр.)(недаступная спасылка). Державна служба України з надзвичайних ситуацій. Офіційний вебсайт. Государственная служба Украины по чрезвычайным ситуациям (18 студзеня 2023). Архівавана з першакрыніцы 18 студзеня 2023. Праверана 18 студзеня 2023.
  5. ↑ а б В Броварах под Киевом разбился вертолет. Погибли 18 человек. В их числе глава МВД Украины Денис Монастырский. Meduza (18 студзеня 2023). Праверана 18 студзеня 2023.
  6. ↑ а б В Киевской области упал вертолёт, погибло руководство МВД Украины. Радио «Свобода» (18 студзеня 2023). Праверана 18 студзеня 2023.
  7. ↑ а б Под Киевом разбился вертолет с руководством МВД Украины. Deutsche Welle (18 студзеня 2023). Праверана 18 студзеня 2023.
  8. ↑ Світ - "в жалюгідному стані", заявив генсек ООН в Давосі (укр.). Голос Америки (18 студзеня 2023). Праверана 18 студзеня 2023.
  9. ↑ МВД Украины опубликовало список людей, находившихся на борту вертолета, который разбился в Броварах. Meduza (18 студзеня 2023). Праверана 18 студзеня 2023.
  10. ↑ Колектив МВС висловлює співчуття рідним та близьким загиблих. Портал МВС. МВД Украины (18 студзеня 2023). Праверана 18 студзеня 2023.
  11. ↑ ДСНС України. Telegram. — «https://meduza.io/live/2023/01/18/voyna Поисково-спасательные работы на месте крушения вертолета в Броварах завершены, сообщили в ГСЧС Украины. В результате катастрофы погибли 14 человек (ранее сообщалось о 17 погибших), еще 25 получили ранения.»  Праверана 18 студзеня 2023.
  12. ↑ Президент висловлює співчуття у зв'язку із загибеллю керівництва МВС та цивільних громадян унаслідок падіння гвинтокрила в Броварах. Офіційне інтернет-представництво Президента України. Офис Президента Украины (18 студзеня 2023). Праверана 18 студзеня 2023.
  13. ↑ Загибель Монастирського: які будуть наслідки і хто очолить МВС? (укр.). ВВС Україна (18 студзеня 2023). Праверана 18 студзеня 2023.
  14. ↑ Станислав Погорилов. В Броварах объявили трехдневный траур по погибшим в авиакатастрофе (руск.). Украинская правда (18 студзеня 2023). Праверана 20 студзеня 2023.
  15. ↑ t.me/pgo_gov_ua
  16. ↑ Гибель руководства МВД в Броварах: ГБР расшифровало "черные ящики" и объявило подозрения. Украинская правда (3 жніўня 2023).
Узята з "https://be.wikipedia.org/w/index.php?title=Крушэнне_верталёта_ў_Браварах&oldid=4845187"