Кохлік

Кохлік
Агляд хлопчыка, хворага на кохлік
МКХ-10	A37.
МКХ-9	033
DiseasesDB	1523
MedlinePlus	001561
eMedicine	emerg/394 ped/1778
MeSH	D014917
Медыяфайлы на Вікісховішчы

Кохлік, таксама Коклюш (ад фр. Coqueluche), (лац. Pertussis) — вострая антрапанозная паветрана-кропельная бактэрыяльная інфекцыя, найбольш характэрнай прыкметай якой з'яўляецца прыступападобны спазматычны кашаль. Небяспечнае інфекцыйнае захворванне дыхальных шляхоў. Вельмі небяспечны для дзяцей да 2 гадоў.

Узбуджальнік

Выклікаецца бактэрыямі Бардэ-Жангу (ад імя вучоных, якія ўпершыню апісалі яе ў 1906 г. - бельгійскага вучонага Ж. Бардэ і французскага - А. Жангу) (Bordetella pertussis). Прыроджаны імунітэт, абумоўлены матчынымі антыцеламі, не развіваецца. Кантагіёзнасць (верагоднасць заражэння пры кантакце) складае 90%. У 1937 вылучаны мікраарганізм, падобны да палачкі коклюшу, - паракоклюшная палачка. Захворванне, выкліканае гэтым мікраарганізмам, працякае як лёгкая форма коклюшу, але імунітэту да коклюша не пакідае.

Развіццё захворвання

Часцей хварэюць дзеці дашкольнага ўзросту. Інкубацыйны перыяд доўжыцца ад 7 да 14 дзён. Заражэнне адбываецца паветрана-кропельным шляхам. Хворы заразны з 1-га да 25-га дня захворвання. Працягласць заразнага перыяду можа скараціцца пры своечасовым правядзенні антыбактэрыяльнай тэрапіі.

Эпідэміялагічная карціна

У кожнай канкрэтнай мясцовасці захворванне набывае эпідэмічны характар з перыядычнасцю ў 2-4 гады.

Імунітэт

Каля паловы выпадкаў прыпадае на дзяцей да 2 гадоў. Першае захворванне звычайна не пакідае натуральнага імунітэту на ўсё жыццё, але паўторная інфекцыя (калі яна мае месца) працякае лёгка і часта не распазнаецца.