Кастусь Глінскі

Кастусь Глінскі
Род дзейнасці	грамадскі дзеяч
Дата нараджэння	8 лютага 1906(1906-02-08)
Месца нараджэння	Прытычына[d], Празароцкая воласць[d], Дзісенскі павет, Віленская губерня, Расійская імперыя
Дата смерці	14 чэрвеня 1987(1987-06-14) (81 год)
Месца смерці	Лондан, графства Вялікі Лондан, Вялікі Лондан, Англія, Вялікабрытанія
Месца пахавання	Касцёл Святога Андрэя Баболі[d]
Бацька	Васіль
Месца працы	Студэнцкая думка Новая варта[d]
Альма-матар	Дзісенская гімназія[d] юрыдычны факультэт Вільнюскага ўніверсітэта[d] Згуртаванне беларусаў у Вялікай Брытаніі Беларускі вызвольны рух Беларускі вызвольны фронт Беларуская цэнтральная рада Антыбальшавіцкі блок народаў
Член у	Беларускі студэнцкі саюз

Кастусь Глінскі (8 лютага 1906 — 14 чэрвеня 1987) — беларускі грамадскі дзеяч у Вялікабрытаніі.

Біяграфія

Нарадзіўся 8 лютага 1906 г. у сялянскай сям’і ў в. Прытычына Дзісенскага павета Віленскай губерні ў Расійскай імперыі (цяпер Мёрскі раён Віцебскай вобласці).

Вучыўся ў Дзісенскай гімназіі, а потым на юрыдычным факультэце Віленскага ўніверсітэта. Належаў да Беларускага студэнцкага саюза, некаторы час быў яго старшынём, выдаваў часопіс «Студэнцкая думка». Пазней — старшыня Згуртавання беларускіх студэнтаў «Скарынія», у 1931—1934 гг. выдаваў часопіс «Новая варта». Па сканчэнні ўніверсітэта працаваў суддзём у Ашмянах.

Увосень 1939 г. арыштаваны савецкай уладай і прысуджаны да 8 гадоў лагераў. Па іншых звестках — арыштаваны 19 мая 1940 г. і асуджаны 29 лістапада 1940 г. як «сацыяльна-небяспечны элемент», а да арышту працаваў настаўнікам. У зняволенні знаходзіўся ў Анеглагу ў Архангельскай вобласці.

Ад кастрычніка 1941 г. служыў у Арміі Андэрса, працаваў пры вайсковым трыбунале. У 1946 г. разам з Другім Польскім Корпусам прыбыў у Вялікабрытанію. Ад 20 жніўня 1947 г. быў сябрам Згуртавання беларусаў у Вялікабрытаніі, аднак у выніку расколу пакінуў арганізацыю. Быў сябрам Беларускага вызвольнага руху, а потым — кіраўніком Лонданскага аддзела Беларускага вызвольнага фронту і ад 1969 г. ганаровым сябрам Галоўнага Штабу гэтай арганізацыі. У 1974 г. стаў старшынём Дэлегатуры БЦР у Вялікабрытаніі. Адначасова выконваў абавязкі старшыні філіі Антыбальшавіцкага блоку народаў у Вялікабрытаніі. Удзельнік разнастайных міжнародных форумаў. У 1979—1981 гг. выдаваў часопіс «Званіца». Аўтар англамоўнай брашуры, прысвечанай Беларусі і яе гісторыі («Byelorussia». 1982).

Памёр 14 чэрвеня 1987 г. у Лондане. Пахаваны пры касцёле Андрэя Баболі.

Спасылкі

• Біяграфія Кастуся Глінскага на старонцы Леаніда Маракова
• Дадатковая біяграфія Кастуся Глінскага на старонцы Леаніда Маракова