Вярбовыя

Вярбовыя
Вярба казіная (Salix caprea)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Вярбовыя
Міжнародная навуковая назва
Salicaceae Mirb., nom. cons.
Сінонімы
Bembiciaceae R.C.Keating & Takht. Caseariaceae Baum.-Bod., nom. nud. Flacourtiaceae Rich. ex DC., nom. cons. Homaliaceae R.Br. Patrisaceae Mart., nom. nud. Prockiaceae Bertuch Samydaceae Vent., nom. cons. Scyphostegiaceae Hutch., nom. cons.
Сістэматыка на Віківідах Выявы на Вікісховішчы ITIS   22443 NCBI   3688 EOL   4400 GRIN   f:985 IPNI   30002644-2 FW   54581

Вярбовыя (Salicaceae) — сямейства двухдольных кветкавых раслін.

Апісанне

Дрэвы ці кусты, часам кусцікі (некаторыя арктычныя і субарктычныя віды Salix) з чарговымі, простымі, суцэльнымі, зубчастымі ці лопасцевымі лістамі з прылісткамі, часта ападаючымі. Кветкі ў густых прамастаячых (амаль усе віды Salix) ці вісячых (Populus i Chosenia) аднаполых каташках (каласах ці радзей гронках з вельмі пакарочанымі кветаножкамі), размешчаных у пазухах брактэй (лускавінак), двухдомныя, беспялёсткавыя. У рода Populus чашачка мае выгляд пласцінкі ў мужчынскай кветцы і сподкападобнага ці плюскападобнага ўтварэння ў жаночай. У Salix яна прадстаўлена адным ці дзвюма (радзей трыма-пяццю) дробнымі нектарнымі залозкамі, а ў Chosenia няма нават залозак, і толькі часам жаночыя кветкі маюць дзве маленькія бакавыя залозкі. Тычынак у Populus ад 6 да 49, у Salix — 1-2, рэдка 3, 5 ці да 12, а ў Chosenia — 3-6; ніці свабодныя (Populus і часткова ў некаторых відаў Salix) ці зрослыя толькі асновамі, вельмі рэдка па ўсёй даўжыні; пыльнікі ўскрываюцца ўздоўж. Гінецэй паракарпны, звычайна з 2 упоперак размешчаных карпел, рэдка з 3-4 (некаторыя віды Populus), звычайна з 2-4 сядзячымі рыльцамі. Завязь верхняя, сядзячая ці на кароткай, рэдка на доўгай ножцы; са шматлікімі (Populus) ці з 2-10 семязачаткамі. У Salix вельмі рэдка толькі з адным семязачаткам. Плады — 2, 4-створкавыя каробачкі. Насенне дробнае з пучком валаскоў.

Пашырэнне

Вярбовыя распаўсюджаны галоўным чынам ва ўмераных і халодных абласцях паўночнага паўшар’я, а таксама ў паўднёвых абласцях Паўднёвай Амерыкі, Паўднёвай Афрыкі і Паўднёва-Усходняй Азіі. Адсутнічаюць на Новай Гвінеі і ў Аўстраліі.

Класіфікацыя

Асноўны артыкул: Роды сямейства Вярбовыя

У адпаведнасці з сучаснай сістэмай класіфікацыі APG II, прапанаванай групай APG, у сямейства ўключаны наступныя роды:

• Abatia
• Aphaerema
• Azara
• Banara
• Bartholomaea
• Bembicia
• Bennettiodendron
• Bivinia
• Byrsanthus
• Calantica
• Carrierea
• Casearia
• Chosenia
• Dissomeria
• Dovyalis
• Euceraea
• Flacourtia
• Gerrardina
• Hasseltia
• Hasseltiopsis
• Hecatostemon
• Hemiscolopia
• Homalium
• Idesia
• Itoa
• Laetia
• Lasiochlamys
• Ludia
• Lunania
• Macrohasseltia
• Mocquerysia
• Neopringlea
• Neoptychocarpus
• Olmediella
• Oncoba
• Ophiobotrys
• Osmelia
• Phyllobotryon
• Phylloclinium
• Pineda
• Pleuranthodendron
• Poliothyrsis
• Populus — Таполя
• Priamosia
• Prockia
• Pseudoscolopia
• Pseudosmelia
• Ryania
• Salix — Вярба
• Samyda
• Scolopia
• Scyphostegia
• Tetrathylacium
• Tisonia
• Trimeria
• Xylosma
• Zuelania

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6