Аляксандр Міхайлавіч Люцко

Аляксандр Міхайлавіч Люцко
Аляксандр Міхайлавіч Люцко
Дата нараджэння	23 студзеня 1941
Месца нараджэння	Чыжэвічы, Чыжэвіцкі сельсавет, Старобінскі раён, Мінская вобласць, БССР, СССР;
Дата смерці	4 верасня 1997 (56 гадоў)
Месца смерці	Андалусія, Іспанія;
Месца пахавання	Кальварыйскія могілкі;
Род дзейнасці	фізік
Месца працы	БДУ; Міжнародны дзяржаўны экалагічны ўніверсітэт імя А. Дз. Сахарава;
Навуковая ступень	кандыдат фізіка-матэматычных навук (1969)
Навуковае званне	прафесар (1997);
Альма-матар	фізічны факультэт БДУ (1963);

Аляксандр Міхайлавіч Люцко́^[1] (23 студзеня 1941 — 4 верасня 1997) — вучоны ў галіне ядзернай фізікі і радыеэкалогіі, кандыдат фізіка-матэматычных навук (1969), прафесар (1997).

Біяграфія

Нарадзіўся 23 студзеня 1941 года ў вёсцы Чыжэвічы Салігорскага раёна Мінскай вобласці.

У 1963 годзе скончыў фізічны факультэт Беларускага дзяржаўнага ўніверсітэта. Працаваў у Навукова-даследчым інстытуце анкалогіі і медыцынскай радыялогіі^[2]. З 1970 года выкладаў на кафедры ядзернай фізікі Беларускага дзяржаўнага ўніверсітэта. У 1978—1987 гг. на пасадзе загадчыка лабараторыяй інструментальных і радыеізатопных метадаў даследавання Ціхаакіянскага інстытута біяарганічнай хіміі^[2].

З 1992 года працаваў рэктарам Міжнароднага вышэйшага каледжа па радыеэкалогіі імя А. Дз. Сахарава, створанага пры Беларускім дзяржаўным універсітэце.

Займаўся альпінізмам. Загінуў 4 верасня 1997 года пры ўзыходжанні на гару ў Іспаніі^[3].

Навуковая дзейнасць

А. М. Люцко належаць навуковыя працы па ізатопнай біяінтраскапіі, радыеактыўных індыкатарах для біятэхналогій. Займаўся вывучэннем наступстваў аварыі на Чарнобыльскай АЭС.

Аўтар 69 апублікаваных навуковых прац, у тым ліку 2-х манаграфій і 4-х навучальных дапаможнікаў па радыяцыйнай бяспецы для сярэдніх школ^[2]. Па ініцыятыве А. М. Люцко і пад яго кіраўніцтвам была распрацавана Канцэпцыя радыеэкалагічнай адукацыі ў Рэспубліцы Беларусь^[2].

Быў абраны сапраўдным членам Нью-Ёркскай акадэміі навук^[2]. Уваходзіў шэраг міжнародных арганізацый.

Зноскі

↑ Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9.
↑ ^а ^б ^в ^г ^д Люцко Александр Михайлович Архівавана 11 красавіка 2019. (руск.) // Сайт Міжнароднага дзяржаўнага экалагічнага інстытута імя А. Дз. Сахарава Беларускага дзяржаўнага ўніверсітэта
↑ Старонка памяці на сайце Маскоўскага дзяржаўнага ўніверсітэта (руск.)

Літаратура

Ткачук І. Б. Люцко Аляксандр Міхайлавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 413. — 10 000 экз. — ISBN 985-11-0035-8. — ISBN 985-11-0155-9 (т. 9).

Спасылкі

[БЭ9-1] Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9.

[ЭУ-2] а ^б ^в ^г ^д Люцко Александр Михайлович Архівавана 11 красавіка 2019. (руск.) // Сайт Міжнароднага дзяржаўнага экалагічнага інстытута імя А. Дз. Сахарава Беларускага дзяржаўнага ўніверсітэта

[МГУ-3] Старонка памяці на сайце Маскоўскага дзяржаўнага ўніверсітэта (руск.)

[1]

[2]

[3]