Аляксандр Аляксандравіч Шаўко

Аляксандр Аляксандравіч Шаўко
Нараджэнне	15 чэрвеня 1950(1950-06-15) (74 гады) Беседкі, Беседкаўскі сельсавет, Капаткевіцкі раён, Палеская вобласць, БССР, СССР
Адукацыя	Беларуска-Расійскі ўніверсітэт
Месца працы	Гомельскі станкабудаўнічы завод імя С. М. Кірава
Узнагароды	ганаровая грамата Нацыянальнага сходу Рэспублікі Беларусь

Аляксандр Аляксандравіч Шаўко (нар. 15 чэрвеня 1950, в. Беседкі Петрыкаўскага раёна Гомельскай вобласці) — беларускі палітык. Заслужаны работнік прамысловасці Рэспублікі Беларусь.

Біяграфія

Закончыў Магілёўскі машынабудаўнічы інстытут, інжынер-механік. Працаваў майстрам, начальнікам цэха, галоўным тэхнолагам Гомельскага станкабудаўнічага завода імя С. М. Кірава, намеснікам генеральнага дырэктара па вытворчасці, галоўным інжынерам. Потым займаў пасаду генеральнага дырэктара.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага склікання.

Узнагароды

Узнагароджаны юбілейным медалём «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь, Ганаровай граматай Міжпарламенцкай Асамблеі Еўразійскага эканамічнага супольніцтва.