Аляксандр Аляксандравіч Беразоўскі

Аляксандр Аляксандравіч Беразоўскі
Дата нараджэння	25 ліпеня 1937(1937-07-25)
Месца нараджэння	Капаткевіцкі раён, Мазырская акруга, БССР, СССР
Дата смерці	25 мая 1994(1994-05-25) (56 гадоў)
Грамадзянства	Беларусь
Альма-матар	БПІ (1964)
Месца працы	Мінскпраект Белжылпраект
Член у	Саюз архітэктараў СССР
Узнагароды

Аляксандр Аляксандравіч (Аляксеевіч)^{[удакладніць]} Беразоўскі (нар. 25 ліпеня 1937, с. Студзёнае, Капаткевіцкі раён — 25 мая 1994) — беларускі архітэктар. Заслужаны архітэктар Беларусі (1990).

Біяграфія

Скончыў у 1964 годзе БПІ. У 1957—1959 гадах у інстытуце «Мінгарпраект», з 1959 у інстытуце «Мінскпраект» (з 1966 галоўны архітэктар праектаў, з 1976 кіраўнік майстэрні), з 1980 галоўны архітэктар інстытута «Белжылпраект».

Член Саюза архітэктараў СССР з 1965 года. Пражываў у Мінску.

Творчасць

Будынак інстытута культуры.

Рэспубліканская навуковая медыцынская бібліятэка

НДІ глебазнаўства па вул. Казінца

Асноўныя работы (усе ў Мінску ў складзе аўтарскіх калетываў): комплекс будынкаў вылічальнага цэнтра Дзяржплана БССР і НДІ водных праблем па вул. Славінскага (1967), лабараторна-вытворчы корпус НДІ тэхнічнай кібернетыкі АН Беларусі па вул. Высокай (1967), інтэрнаты Белдзяржуніверсітэта па вул. Кастрычніцкай (1967), Інстытут электронікі (1968) АН БССР, інтэрнат МРТІ на скрыжаванні вуліц Я. Коласа і Б. Хмяльніцкага (1970), навучальны корпус Белсаўпрафа (1978), комплекс інстытута культуры і інстытута ўдасканалення кіруючых работнікаў у раёне вул. Маскоўскай (1980), навукова-медыцынская бібліятэка па вул. Фабрыцыуса (1976), лабараторны корпус НДІ глебазнаўства і аграхіміі Міністэрства сельскай гаспадаркі БССР (1980), рэканструкцыя стадыёна «Дынама» (1980), навучальны комплекс Белсаўпрофа (1981), праекты комплекснай рэканструкцыі кварталаў гістарычнай забудовы Траецкага прадмесця (1979—1984) і Верхняга горада і ў раёне вул. Філімонава.

Узнагароды

Узнагароджаны Ганаровай граматай Прэзідыума Вярхоўнага Савета БССР (1980).

Літаратура

• Беразоўскі Аляксандр Аляксандравіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Березовский Александр Алексеевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)