Крык (карціна)
| Крык | |
 | |
| нарв. : Skrik | |
| Мастак | Эдвард Мунк |
|---|---|
| Год | 1893 |
| Тып | кардон, алей, тэмпэра, пастэль |
| Памеры | 91 × 73,5 |
| Месцазнаходжаньне | Нацыянальная галерэя, Осьлё |
«Крык» (па-нарвэску: Skrik; 1893—1910) — група карцінаў, выкананых у жанры экспрэсіянізму нарвэскім мастаком Эдвардам Мункам, які намаляваў напоўненую адчаем фігуру на фоне крывава-чырвонага неба. Пэйзаж на фоне — від Осьлё-фіёрда з пагорка Экебэрг, у горадзе Осьлё, Нарвэгія.
Мунк стварыў некалькі вэрсіяў «Крыку», а менавіта 4, выкарыстоўваючы розныя тэхнікі. У музэі Мунка прадстаўлены адзін з двух варыянтаў, выкананых алеем, і адна пастэль. Нарвэскі Нацыянальны музэй мастацтва, архітэктуры і дызайну зьмяшчае ў сваёй галерэі другую вэрсію, выкананую алеем. Чацьвертая вэрсія, выкананая пастэльлю, належыць нарвэскаму мільярдэру Пэтэру Ольсэну. Мунк таксама стварыў літаграфіі (1895) гэтага твора.
Крык зрабіўся мішэньню некалькіх крадзяжоў. У 1994 годзе карціна была скрадзена з нацыянальнай галерэі. Некалькімі месяцамі пазьней яна была вернутая на сваё месца. «Крык» і іншы вядомы твор мастака «Мадонна» былі скрадзеныя з музэю Мунка. Абедзьве карціны былі вернутыя ў 2006 годзе. Атрымаўшы некаторыя пашкоджаньні, карціны зноў былі выстаўленыя на паказ у маі 2008, пасьля рэстаўрацыі.
Вонкавыя спасылкі
[рэдагаваць | рэдагаваць крыніцу]
Крык (карціна) — сховішча мультымэдыйных матэрыялаў