Герб Расейскай СФСР
![](http://upload.wikimedia.org/wikipedia/commons/thumb/4/41/Coat_of_arms_of_the_Russian_Soviet_Federative_Socialist_Republic.svg/200px-Coat_of_arms_of_the_Russian_Soviet_Federative_Socialist_Republic.svg.png)
![](http://upload.wikimedia.org/wikipedia/commons/thumb/8/88/1_rouble_of_1922.jpg/200px-1_rouble_of_1922.jpg)
Герб Расейскай СФСР — дзяржаўны сымбаль Расейскай Савецкай Фэдэратыўнай Сацыялістычнай Рэспублікі.
Дзяржаўны герб Расейскай Савецкай Фэдэратыўнай Сацыялістычнай Рэспублікі ўяўляе сабой малюнак сярпа і молата на чырвоным фоне, у прамянях сонца і ў апраўленьні каласоў, з надпісам: «РСФСР» і «Пролетарии всех стран, соединяйтесь!» (па-беларуску: «Пралетарыі ўсіх краін, яднайцеся!»). У верхняй частцы гербу — пяціканцовая зорка.[1][2]
У каляровым малюнку Дзяржаўнага гербу Расейскай Савецкай Фэдэратыўнай Сацыялістычнай Рэспублікі серп і молат, сонца і каласы залатыя; зорка чырвоная, апраўленая залатой аблямоўкай.[2]
Гісторыя гербу
[рэдагаваць | рэдагаваць крыніцу]На праектных варыянтах гербу замест сярпа быў намаляваны меч. Паводле Бонч-Бруевіча, Ленін асабіста загадаў зьмяніць герб, сказаўшы: «Меч — ня наша эмблема».
- Герб упершыню быў апісаны ў канстытуцыі РСФСР 1918 году:
Герб Расейскай Сацыялістычнай Фэдэратыўнай Савецкай Рэспублікі складаецца з малюнкаў на чырвоным фоне ў прамянях сонца залатых сярпа і молата, зьмешчаных крыж-накрыж дзяржальнямі дадолу, акружаных вянком з каласоў і з надпісам: «Расейская Сацыялістычная Фэдэратыўная Савецкая Рэспубліка» і «Пралетарыі ўсіх краін, яднайцеся!»
- З 1920 году на шчыце сталі зьмяшчаць скарочаную назву дзяржавы: «Р.С.Ф.С.Р.».
- У 1954 годзе па новых правілах артаграфіі з абрэвіятуры «Р.С.Ф.С.Р.» былі прыбраныя кропкі.
- У 1978 годзе над шчытом была дададзеная пяціканцовая чырвоная зорка.
Крыніцы
[рэдагаваць | рэдагаваць крыніцу]Глядзіце таксама
[рэдагаваць | рэдагаваць крыніцу]Вонкавыя спасылкі
[рэдагаваць | рэдагаваць крыніцу] Герб Расейскай СФСР — сховішча мультымэдыйных матэрыялаў