Hipparchia fidia

Hipparchia fidia;
Clasificación científica
Reinu:	Animalia
Filu:	Arthropoda
Subfilu:	Hexapoda
Clas:	Insecta
Orde:	Lepidoptera
Suborde:	Glossata
Infraorde:	Heteroneura
División:	Ditrysia
Seición:	Rhopalocera
Superfamilia:	Papilionoidea
Familia:	Nymphalidae
Subfamilia:	Satyrinae
Tribu:	Satyrini
Subtribu:	Satyrina
Xéneru:	Hipparchia
Subxéneru:	Pseudotergumia
Especie:	H. fidia; Linnaeus, 1767
Sinonimia
	Pseudotergumia fidia;
Consultes
	[editar datos en Wikidata]

La Hipparchia -Pseudotergumia- fidia ye una especie de lepidópteru ditrisio de la familia Nymphalidae perteneciente a la subfamilia de les Satyrinae, propia de la rexón mediterránea. Linnaeus 1767.^[1]

Descripción

Trátase d'una caparina bastante grande dientro del grupu de les Satyrinae, algamando un valumbu d'unos 6 cm. La cara inferior de les ales presenta unos tonos predominantemente buxos, que dexa a esta caparina pasar práuticamente desapercibida cuando se posa sobre los suelos predresos, onde resulta bien difícil estremala cuando se queda totalmente inmóvil. ^[2]

Confía entós dafechu nel so camuflaje y ye posible, por ello, averase a escasos centímetros d'ella. Destaquen, na cara inferior de les ales, una amplia ya irregular banda gris-blanca zigzagueante, sorrayada de negru, que traviesa l'ala de par en par y qu'oldea netamente col fondu más escuru de la mesma, según grandes ocelos negros puntiaos de blancu y corralaes por un aniellu de color beige-mariellu. La cara cimera ye de tonos escuros, marrón.

♂
♂△
♀
♀ △

Área de distribución

Especie mediterránea presente na Península Ibérica, y nel norte d'África, (Magreb), Arxelia, Tunicia, tamién vive nel sur de Francia (mariña mediterránea), algamando'l noroeste d'Italia. Ye una especie propia de zones abiertes , (incluyendo monte abiertu), seques, templaes y predreses. vuela de 0-1400 metros n´Europa, en África de 1000-2000 metros. ^[3]

Ciclu vital

Ye una especie univoltina. Obsérvase namás una única xeneración en tol so área de distribución, que vuela de xunu a agostu (setiembre) n'Europa y de xunetu a ochobre nel norte d'África.

Bioloxía - Plantes nutricies

Les gates o canesbes, aliméntense de distintes especies de gramínees Brachipodium pinnatum, P. pratensis, Festuca elegans, S. parviflora, Stipa, Cynodon dactylon, Dactylus glomerata. etc.

Gústen-y escamplaes de monte, roquedales, pindios rocoses, calides con maleza y zones arbustives.

Estadiu de hibernación non confirmáu.

Referencies

↑ (castellán) http://www.asturnatura.com/especie/hipparchia-fidia.html Hipparchia fidia
↑ (n'inglés) http://www.eurobutterflies.com/sp/fidia.php Hipparchia fidia
↑ Tolman & Lewington - 1997

Tom Tolman & Richard Lewington (2002). Guía de les caparines d'España y Europa. Lynx Edicions.

Enllaces esternos

(n'inglés) Satyrinae of the Western Palearctic

[1] (castellán) http://www.asturnatura.com/especie/hipparchia-fidia.html Hipparchia fidia

[2] (n'inglés) http://www.eurobutterflies.com/sp/fidia.php Hipparchia fidia

[3] Tolman & Lewington - 1997

[1]

[2]

[3]