علم
| ||||
---|---|---|---|---|
![]() | ||||
بيتكون من | علوم اجتماعيه | |||
تعديل ![]() |
![](http://upload.wikimedia.org/wikipedia/commons/thumb/a/ae/PrirodneNauke.svg/180px-PrirodneNauke.svg.png)
![](http://upload.wikimedia.org/wikipedia/commons/thumb/1/11/Francis_Bacon%2C_Viscount_St_Alban_from_NPG_%282%29.jpg/180px-Francis_Bacon%2C_Viscount_St_Alban_from_NPG_%282%29.jpg)
العلم معناه باللاتينى Scientia المعرفه. دلوقتى لفظ علم بيستخدم بمعنى المعرفه لدراسة ظاهره طبيعيه بالاسلوب العلمى بمعنى وجود مشكله بيتفرض ليها فرض مااتعملتش ليه تجربه تثبت صحته ، اذا اتعملتله تجربه و ثبتت صحته بيتحول الفرض لنظريه و الا بيتعدل الفرض و بيختبر عمليا و تستمر العمليه لغاية التوصل لقانون طبيعى. العلم عند اليونانيين القدام كان مجرد فكر و عند المصريين القدام كان تطبيق عملى. العرب شافو العلم وسيله لتحقيق مكاسب و خلطو الغيبيات بالكيميا زى تحويل المعادن الخسيسه لدهب او لصنع اكسير الحياه اللى بيعيش الانسان للأبد فعملو تجارب فاشله ماجابتلهمش لا دهب يكنزوه و لا اكسير حياه يعيشهم للأبد لكن فى تجاربهم قدرو يتوصلو لنتايج كيماويه بالصدفه كان ليها قيمه علميه مهمه. اسلوب استخدام التجربه اللى وصل لمعرفه جديده كان هو المهم فى الفتره دى . العلما المسلمين و بالخصوص الفرس كانت ليهم مساهمات معتبره فى تطور العلم. مع بداية عصر النهضه الاوروبيه ابتدى الاوروبيين يدركو العلوم و المعارف ماهماش بس لخدمة الدين و ان العلم لازم يكون نزيه و مستقل عن الدين و انه لازم يقوم على التجربه مش على التخمين الفلسفى و القياس المنطقى. ممكن القول ان العلم و التجربه كانو ثوره على التفكير المنطقى الفلسفى. بذور الحركه العلميه الاوروبيه الحديثه ظهرت على ايدين روجر بيكون ، اللى عاش مابين 1214 و 1294 قبل عصر النهضه الاوروبيه اللى رسمى بيبدأ سنة 1453 ، و مع انه كان راهب نادى باتباع الاسلوب العلمى و التجربه العلميه.الطليانى ليوناردو دافنتشى ( 1452 - 1519 ) بيعتبر ممثل مرحلة البحث العلمى القايم على التجربه للوصول لطرق جديده لاستخدام الطبيعه. بعد دافنتشى، فرانسيس بيكون ( 1516 - 1626 ) مع انه ماكانش عالم لكن سياسى و رجل قانون بيعتبر مؤسس النزعه التجريبيه فى العلم. فى سنة 1605 الف بيكون كتابين ناقش فيهم ازاى ممكن المعارف البشريه انها تتقدم ، و نادى فيهم بضرورة الاعتماد على الطبيعه و على استخدام التجربه باعتبارها اساس المعرفه و الوصول لنتايج. فرانسيس بيكون نقل اوروبا من التفكير الفلسفى الاغريقى للتفكير العلمى التجريبى. الفيلسوف اليونانى كان الاول بيحط المذهب و بعدين يجمع الحقايق اللى توافق المذهب و كان بيعتقد ان فى الكون اصول و مبادىء لازم التسليم بيها قبل دراسة المواضيع. على عكس كده التفكير العلمى بيعتمد بس على التجربه و الاختبارات و منها بيستنتج المبادىء و الاصول. الاسلوب العلمى اتبلور بعد كده فى الفلسفه الماديه بتاعة توماس هوبز ( 1588 - 1679 ).
الحضاره الغربيه الحاليه هى حضارة العلم اللى بيقوم على التجربه و العلم هو اللى ادا الغرب القدره على انه يكون قوه صناعيه.
العلم بينقسم لـ :
- رياضيات بحته ( جبر زى )
- رياضيات تطبيقيه ( ميكانيكا )
- علوم طبيعه ( فيزيا و كيميا )
- علوم حيويه ( بيولوجيا )
- فلك
- جيولوجيا.
الصفحه دى فيها تقاوى مقاله عن علوم. و انت ممكن تساعد ويكيپيديا مصرى علشان
تكبرها.