صيونص
![](http://upload.wikimedia.org/wikipedia/commons/thumb/c/c2/Plimpton_322.jpg/220px-Plimpton_322.jpg)
صّيونص هوّا دمير منهاجي لي كيبني ؤ كينضّم لمعرفة على لكون ؤ لموجودات لي فيه، بشكل لي قابل ل تّجريب ؤ تّوقع.[1] صّيونص تقدر تكون قديمة ب لقدومية د لبشرية، ؤ كاينين أدلة أركيولوجية عمرها عشرات ألاف د لعوام بلي بنادم كان كيستعمل لمنهج د صّيونص. دّلائل لمكتوبة كانلقاوها من لفترة د لحضارة لمصرية لقديمة و حضارة بلاد الرافدين مابين 3000 و 1200 قبل لميلاد. لخدمة د هاد لحضارات على لفلك، لماط، و طّب ستافدو منها ليونانيين لقدام و لحضارات لخرة د لفترة لقديمة، ؤ شملات محاولات ل تفسير لأحدات لي كيطراو ف لعالم طّبيعي ب ليعتيماد على أسباب طبيعية، بلاصت تفسيرات موراوية.
بعدما طاحت لإمبراطورية الرومانية لغربية، لخدمة د لفلاسفة و لعولاما د ليونان لقديمة تّنسات ف ؤروپا، ولاكين بقات و بزاف منها تطرجم ل لعربية ؤ تطورات ف لبلدان د لبحر الشامي لي دخلات ل لإسلام. لبيزنطيين تا هوما حافضو على بزاف د لوتايق ليونانية لقديمة، تا جابوها ل ؤروپا لغربية بعدما سيطرو لعتمانيين على لقسطنطينية لي ولّات إسطنبول.
صّيونص ديال دابا كاتقسّم ف لعادة ل تلاتة د لفروع لأساسية: صيونص طبيعية بحال لفيزيك، شّيمي، و لبيولوجيا لي كاتدرس لكون، صيونص جتيماعية بحال ليكونومي، لپسيكولوجيا، و الصوسيولوجيا لي كيدرسو لأفراد و لمجتمعات د بنادم، و صيونص شكلية بحال لماط، اللوجيك، و لانفورماتيك النضرية لي كيدرسو سّيستيمات شّكلية لي كاتكون متجرّدة و ماعندهاش علاقة موباشيرة معا لعالم لواقعي.
يمكنلنا نوصفو لبحث د صيونص بأنه يا بحث أساسي يا بحث تطبيقي. لبحث الأساسي هو لي كيتم لبحث على لمعرفة، ولبحث تطبيقي هو لي كيتم فيه لبحث على حلول لمشاكل لعملية باستخدام هاذ لمعرفة.
![]() هادي زريعة ديال مقالة خاصها تّوسع. تقدر تشارك ف لكتبة ديالها. |