Nauru
Ripublik Naoero (nauru.) Republic of Nauru (ängl.) | |||||
| |||||
Wahlspruch: (ängl.): God’s Will First „Dä Willä vo Godd zerscht“ | |||||
Amtsspraach | Nauruisch, Änglisch | ||||
Hauptstadt | Yaren (inoffizielli Hauptstadt)(1) | ||||
Staatsoberhaupt und Regierigschef | Presidänt Lionel Aingimea | ||||
Flächi | 21,30 km² | ||||
Iiwohnerzahl | 13.770 (Stand 2008) | ||||
Bevölkerigsdichti | 646,5 Iiwohner pro km² | ||||
Währig | Australischer Dollar | ||||
Unabhängigkeit | 31. Jänner 1968 | ||||
Nationalhimne | Nauru Bwiema | ||||
Zitzone | UTC + 12 | ||||
Kfz-Kennzeiche | NAU | ||||
Internet-TLD | .nr | ||||
Vorwahl | +674 | ||||
(1) E offiziälli Hauptstadt git s z Nauru nit; d Regierigsbehörden sin im Distrikt Yaren aagsidlet. | |||||
![]() | |||||
![]() |
Nauru nɑːˈuːruː (Nauruisch: Ripublik Naoero; Änglisch: Republic of Nauru) isch e Inselstaat mit rund 13.000 Yywohner. D Republik isch no dr Flechi un dr Yywohnerzahl dr drittchleischt Staat vu dr Äärd.
Nauru lyt im Pazifische Ozean un bstoht us dr glyychnamige Koralleinsle, wu zu dr Inselwält vu Mikronesie ghert, un dr Hohheitsgwässer im Umkreis vu 12 Seemyyle, wu au zum Staat ghere. Dr Inselstaat gränzt im Weschte an di Federierte Staate vu Mikronesie, im Norde an dr Inselstaat vu dr Marshallinsle, im Oschte an dr Inselstaat Kiribati un im Side an dr Inselstaat vu dr Salomone.
D Yywohner vu Nauru hän langi Zyt vum Abböu vu dr ryyche Phosphatbständ chenne läne. Wu die z Änd gange sin, het sich zeigt, ass dr Staat un di meischte Burger d Gwinn nit zuechumftsicher inveschtiert gha hän. Nauru, wu in dr Zyt vum Phosphatabböu no s hegscht Pro-Chopf-Yykumme wältwyt gha het, isch noch em vollständige Abböu vu dr einzige Ressurse allmeh verarmt. Dr Staat stoht no Glaiberforderige vor em Bankrott un vor em Verluscht vu dr Uuabhängigkeit, wel dr Yyfluss vu Auschtralie allmeh zuenimmt. D Suveränitet vu Nauru isch deilwyys unter Velkerrächtler scho lenger umstritte, wel Auschtralie Ufgabe in dr Ussepolitik un di militerisch Verdeidigung ibernimmt.
Nauru isch vum Dezämber 2005 bis Septämber 2006 vu dr Ussewält isoliert gsi, wel d Air Nauru as einzigi Fluggsellschaft, wu d Insle aafliegt, ihre Bedrib yygstellt gha het. Mittlerwyyli het d Flugsgsellschaft mit Hilf vu taiwanische Finanzmittel ihre Bedrib wider chenne ufneh un isch in Our Airline umgnännt wore.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Länderinformazion vom öschtrychische Uusseministerium (Site cha nüme abgrüeft wärde; Suche im Webarchiv)
- d Website vo de Regierig vo Nauru