Wes-Indië
Wes-Indië | |
---|---|
![]() Ligging van Wes-Indië ten opsigte van die Amerikas | |
Geografie
| |
Ligging | Atlantiese Oseaan, Karibiese See, Golf van Meksiko |
Koördinate | 21°59′N 79°2′W / 21.983°N 79.033°W
|
Totale eilande | meer as 100 |
Hoofeilande | Bahamas, Groot en Klein Antille |
Oppervlakte | 234 325 vk km
|
Administrasie | |
Sien teks.
| |
Demografie | |
Bevolking | 39 156 084
|
Wes-Indië, dikwels ook die Wes-Indiese Eilande of Karibiese Eilande genoem, is 'n eilandboog tussen die Karibiese See en die Atlantiese Oseaan. In krieket word Wes-Indië deur die Wes-Indiese nasionale krieketspan verteenwoordig, een van die sterkste nasionale krieketspanne wêreldwyd, wat ook spelers van Guyana in Suid-Amerika insluit. Wes-Indië het vir amper elke krieketwêreldbekertoernooi gekwalifiseer en ook die eerste twee toernooie (in 1975 en 1979) gewen, terwyl hulle slegs die Krieketwêreldbeker 2023 misgeloop het. Die Krieketwêreldbeker 2007 is vir die eerste keer in agt Wes-Indiese eilandstate beslis en deur die verdedigende kampioen Australië gewen. Daarbenewens het Wes-Indië die T20I-wêreldbeker 2010 aangebied en die T20I-wêreldbekertoernooie in 2012 en 2016 gewen. Hulle het saam met die Verenigde State ook die T20I-wêreldbeker 2024 aangebied.[1]
![](http://upload.wikimedia.org/wikipedia/af/thumb/9/96/Windies.png/220px-Windies.png)
![](http://upload.wikimedia.org/wikipedia/commons/thumb/1/18/WestIndiesCricketFlagPre1999.svg/220px-WestIndiesCricketFlagPre1999.svg.png)
Die Karibiese Eilande sluit al die eilande in wat in die Karibiese See, tussen Noord- en Suid-Amerika, lê. Kuba is die verste wes in die eilandgordel en Barbados die verste oos. Die grootste eilande, van wes na oos, is Kuba, Jamaika, Hispaniola (Haïti en die Dominikaanse Republiek) en Puerto Rico.
Die eilande vorm saam die Groot Antille. Die Bahamas vorm 'n noordelike uitloper van die eilandgordel, terwyl die Klein Antille ('n versamelnaam vir die Benedewindse en Bowindse eilande) 'n suidelike uitloper is.
Tussen Puerto Rico en die Klein Antille lê 'n groepie eilande, die Britse Maagde-eilande, terwyl Barbados, Trinidad en Tobago, die Venezuela-eilande, Aruba, Curaçao en Bonaire teen die kuslyn van Suid-Amerika geleë is. Sommige eilande, soos Jamaika, Trinidad en Tobago, Barbados, die Bahamas en Dominica ('n eiland van die Klein Antille), is onafhanklike lede van die Britse Gemenebes, Guadeloupe (Klein Antille) en Martinique (Klein Antille) is oorsese gebiede van Frankryk, terwyl Puerto Rico en enkele van die Amerikaanse Maagde-eilande onder die gesag van die Verenigde State staan.
Sommige van die Klein Antille-eilande is oorsese gebiede van Nederland. Die Karibiese Eilande lê in 'n tropiese klimaatstreek, tussen 12 en 26° NB, en die klimaat word deur die Karibiese Eilande Noordoos-passaat oorheers. Die Karibiese See is 'n warm see met twee belangrike strome, die Antillestroom in die noorde en die Karibiese stroom in die suide. Die Karibiese Eilande het 'n droë en 'n nat seisoen: die meeste reën val in die somer en die minste in die winter. Gedurende die lente en herfs is die klimaat onaangenaam omdat dit baie warm en die humiditeit hoog is.
Die oorspronklike bewoners van die Karibiese Eilande was Indiane, maar hulle getalle het sterk afgeneem sedert die kolonisasie van die eilande. Saam met die koloniste het slawe uit Wes-Afrika na die eilande gekom om op die plantasies te werk. Vandag is die Swart bevolking in die meerderheid. Voorts bestaan die bevolking uit immigrante uit die Midde-Ooste (meestal handelaars) en 'n klein groepie Jode wat van Portugal na die eilande geïmmigreer het.
Die Blankes vorm sosio-ekonomies steeds die bolaag van die bevolking, hoewel hulle verreweg in die minderheid is. Suikerriet is die eilande se belangrikste produk. Ander belangrike landbouprodukte is tabak (Kuba), koffie (Haïti en Dominikaanse Republiek), piesangs (Puerto Rico en Jamaika), sitrusvrugte (Trinidad en Tobago) en palmolie (Barbados). Die grootste deel van die eilande se opbrengs beland egter uiteindelik in die buiteland omdat die plantasies deur buitelandse ondernemings bedryf word.
Geografie
[wysig | wysig bron]![](http://upload.wikimedia.org/wikipedia/commons/thumb/1/18/Map_of_the_Territorial_Waters_in_the_Caribbean.png/220px-Map_of_the_Territorial_Waters_in_the_Caribbean.png)
Die eilandboog word verdeel in die volgende eilandgroepe:
![]() |
Bahamas | Alhoewel die Bahamas in geografiese opsig in die Atlantiese Oseaan geleë is, word hulle nogtans by die Karibiese Seegebied gereken. |
![]() |
Turks- en Caicoseilande | Alhoewel die Turks- en Caicoseilande in geografiese opsig in die Atlantiese Oseaan geleë is, word hulle nogtans by die Karibiese Seegebied gereken. |
Groot Antille | Kuba, Jamaika, Hispaniola, Kaaimanseilande en Puerto Rico | |
Klein Antille | Die Klein Antille word verder verdeel in die Bowindse Eilande (Maagde-eilande vanaf Grenada) en die Benedewindse Eilande (Isla Margarita tot Aruba). |
Naam
[wysig | wysig bron]Oos-Indië (Maleise Argipel en Indo-China)
Indië (Indiese subkontinent en Mianmar)
Wes-Indië
Lande wat soms as deel van Wes-Indië beskou word
![](http://upload.wikimedia.org/wikipedia/commons/thumb/7/78/Moll_-_A_Map_of_the_West-Indies.png/220px-Moll_-_A_Map_of_the_West-Indies.png)
Die benaming Wes-Indiese Eilande gaan terug op 'n historiese vergissing. Die vroeë ontdekkingsreisigers en veroweraars soos Christophorus Columbus was eintlik van voorneme om Indië, die Chinese Keiserryk (destyds ook Cathay genoem) of Japan (Cipangu) op die westelike seeroete te bereik en het nie verwag dat hulle 'n nuwe vasteland sou ontdek wat destyds in Europa nog onbekend was nie. Die eilandnaam Antille is dan ook van die Latynse ante ilium ("eilande net voor die kus") afgelei, dus die eilande voor die Sentraal-Amerikaanse kus.
Die Engelssprekende deel van die Wes-Indiese Eilande staan ook bekend as Britse Wes-Indiese Eilande (British West Indies).
Lande en gebiede volgens argipel
[wysig | wysig bron]Groot Antille
[wysig | wysig bron]![](http://upload.wikimedia.org/wikipedia/commons/thumb/9/9f/Amerikanisches_Mittelmeer_NASA_World_Wind_Globe.jpg/220px-Amerikanisches_Mittelmeer_NASA_World_Wind_Globe.jpg)
![](http://upload.wikimedia.org/wikipedia/commons/thumb/7/75/Karte_Karibik_Inseln.png/220px-Karte_Karibik_Inseln.png)
![](http://upload.wikimedia.org/wikipedia/commons/thumb/9/98/Caribbean_general_map.png/220px-Caribbean_general_map.png)
![](http://upload.wikimedia.org/wikipedia/commons/thumb/8/85/Caribe-Pol%C3%ADtico.svg/220px-Caribe-Pol%C3%ADtico.svg.png)
Dominikaanse Republiek
Haïti
Jamaika
Kaaimanseilande (Verenigde Koninkryk)
Kuba
Puerto Rico (Verenigde State)
Klein Antille
[wysig | wysig bron]Amerikaanse Maagde-eilande (Verenigde State)
Anguilla (Verenigde Koninkryk)
Antigua en Barbuda
Aruba (Koninkryk van die Nederlande)
Barbados
Bonaire (Nederland)
Britse Maagde-eilande (Verenigde Koninkryk)
Curaçao (Koninkryk van die Nederlande)
Dominica
Grenada
Guadeloupe (Frankryk)
Guyana
Martinique (Frankryk)
Montserrat (Verenigde Koninkryk)
Nueva Esparta (Venezuela)
Saba (Nederland)
Sint Bartholomeus (Frankryk)
St. Kitts en Nevis
St. Lucia
Saint-Martin (Frankryk)
St. Vincent en die Grenadine
Sint Eustatius (Nederland)
Sint Maarten (Koninkryk van die Nederlande)
Trinidad en Tobago
Federale afhanklikhede van Venezuela (Venezuela)
Lucayan-argipel
[wysig | wysig bron]Bahamas
Turks- en Caicoseilande (Verenigde Koninkryk)
Verwysings
[wysig | wysig bron]- ↑ (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 16 November 2021.
Bronne
[wysig | wysig bron]- (en) Rosanne Adderly, "West Indies," in Encyclopedia of Contemporary Latin American and Caribbean Cultures, Volume 1: A-D (London and New York: Routledge, 2000): 1584.
- Wêreldspektrum, 1982, ISBN 0-908409-54-0
Eksterne skakels
[wysig | wysig bron]Wikimedia Commons het meer media in die kategorie Wes-Indië.
- (en) "West Indies". Encyclopædia Britannica. Besoek op 17 Julie 2019.