Gatcombe Park
![](http://upload.wikimedia.org/wikipedia/commons/thumb/1/12/Gatcombe_Park_ST8798.jpg/250px-Gatcombe_Park_ST8798.jpg)
Gatcombe Park is die private landelike woning van prinses Anne. Dit is in Engeland geleë, tussen die Gloucestershire-dorpe Minchinhampton en Avening, sowat 10 km noord van Highgrove House, die gesinswoning van Anne se broer, Charles III.
Die landgoed is in 1976 deur koningin Elizabeth vir prinses Anne en haar vorige man, kaptein Mark Phillips, gekoop.
Die huis is van 1771 tot 1774 gebou en in omstreeks 1820 verander. Dit het vyf hoofslaapkamers, nog vier slaapkamers, vier onthaalkamers, ’n biblioteek, biljartkamer en kweekhuis. Dit is vir prinses Anne en kaptein Phillips gerestoureer en hulle het in November 1977 daar ingetrek. In 1978 is die aangrensende Aston Farm ook bygekoop. Daar is ’n aansienlike aantal perdestalle op die landgoed.
Prinses Anne woon tans saam met haar tweede man, sir Timothy Laurence, in die huis. Mark Phillips en sy tweede vrou woon op die aangrensende Aston Farm, nadat die twee landgoedere verdeel is met hul egskeiding.
Die landgoed is bekend vir die aanbieding van die Festival of British Eventing, ’n driefase-perdekompetisie, op die eerste naweek in Augustus. Dit word deur kaptein Phillips georganiseer en lok die wêreld se top-perderuiters en meer as 40 000 toeskouers.
Verwysings
[wysig | wysig bron]Hierdie artikel is vertaal uit die Engelse Wikipedia