Alfred Stieglitz
Alfred Stieglitz | |
---|---|
![]() Alfred Stieglitz in 1902 Foto geneem deur die Amerikaanse fotograaf Gertrude Käsebier | |
Gebore | 1 Januarie 1864 |
Sterf | 13 Julie 1946 (op 82) |
Nasionaliteit | ![]() |
Beroep | Fotograaf |
Bekend vir | Fotowerk en kunsgalerye in New York |
Eggenoot | Emmeline Obermayer (∞ 1893, geskei in 1924) Georgia O'Keeffe (∞ 1924−1946) |
![](http://upload.wikimedia.org/wikipedia/commons/thumb/a/a1/Stieglitz-Venetian_Canal.jpg/220px-Stieglitz-Venetian_Canal.jpg)
(ook bekend as A Bit of Venice)
Camera Notes, Vol. 1, Nr. 2, 1897
Alfred Stieglitz HonFRPS (* 1 Januarie 1864 in Hoboken, New Jersey; † 13 Julie 1946 in New York) was 'n Amerikaanse fotograaf en bevorderaar van moderne kuns wat gedurende sy loopbaan van vyftig jaar 'n beslissende bydrae gelewer het tot die aanvaarding van fotografie as kunsvorm. Naas sy fotografiese werk het Stieglitz in die vroeë 20ste eeu baie tyd en moeite gewy aan sy kunsgalerye te New York waar hy baie Europese avant-garde-kunstenaars aan die Amerikaanse publiek bekendgestel het. Stieglitz was getroud met die skilderes Georgia O'Keeffe.
Fotograaf
[wysig | wysig bron]Gedurende sy lang loopbaan het Stieglitz meer as 2 500 gemonteerde foto's geproduseer. Sy gunsteling tegniek was fotogravure (of heliogravure). Hy het sy eie fotoplate voorberei en uitgawes gemonteer wat hy genommer en geteken het. Hy het sy opleiding in Berlyn aan die Tegniese Universiteit van Hermann Wilhelm Vogel ontvang. Hy het deur Europa gereis, veral Oostenryk en Switserland besoek en later straatfotografie in New York gedoen. Sy werk kan in drie verskillende fases verdeel word; van naturalisme via pictorialisme tot modernisme. Saam met die fotograwe van pictorialisme het hy erkenning gesoek vir fotografie as 'n outonome kunsvorm naas skilder en beeldhou.
![](http://upload.wikimedia.org/wikipedia/commons/thumb/0/09/Alfred_Stieglitz_-_The_Last_Joke_Bellagio%2C_1887.jpg/220px-Alfred_Stieglitz_-_The_Last_Joke_Bellagio%2C_1887.jpg)
Ná sy dood het sy vrou, Georgia O'Keeffe, 'n reeks van sy beste en mees volledige foto's saamgestel. In die meeste gevalle was dit foto's wat sy self as "die beste" beskou het van wat hy gemaak het. In sommige gevalle het sy verskillende weergawes van dieselfde foto gebruik. Hierdie reekse is van onskatbare waarde omdat dit Stieglitz se insigte oor estetiese komposisies weerspieël. Sy het net die foto's gekies wat deur Stieglitz self gedruk is, aangesien hy 'n werk as onvoltooid beskou het as hierdie stap nie voltooi is nie. In 1949 het sy die eerste deel, wat sy die sleutelstel genoem het, van 1317 foto's aan die National Gallery of Art in Washington geskenk. In 1980 het sy nog 325 foto's by hierdie stel gevoeg. Dit was hoofsaaklik foto's van haarself, insluitend baie naak. Dit het die totaal op 1642 foto's te staan gebring. Dit maak dit die grootste en mees volledige versameling van Stieglitz se werk op enige plek in die wêreld. In 2002 het die Nasionale Galery 'n katalogus van 1 012 bladsye in twee bande gepubliseer wat, met gedetailleerde beskrywings van elke foto, 'n volledige reproduksie is van al die foto's in die skenkings.
Galery eienaar / uitgewer
[wysig | wysig bron]![](http://upload.wikimedia.org/wikipedia/commons/thumb/d/de/291-Brancusi-1014.jpg/220px-291-Brancusi-1014.jpg)
Galery 291 of kortweg 291 is in 1905 deur Stieglitz en Edward Steichen geopen as Little Galleries of the Photo-Secession. Sy was in Vyfdelaan in New York geleë en het benewens Afrika-kuns en fotografie hoofsaaklik die avant-garde van moderne kuns uit Europa en Amerika gewys. Die galery het gegroei uit Stieglitz se betrokkenheid by die Photo-Secession, ’n vereniging van kontemporêre fotograwe wat hy ’n paar jaar tevore gestig het, wat ook sy eie uitstalruimte gehad het. Galery 291 het werk deur kunstenaars soos Constantin Brâncuși, Georges Braque, Paul Cézanne, Marsden Hartley, Henri Matisse, Auguste Rodin en Georgia O'Keeffe vertoon.
Hy was die uitgewer van Camera Notes (1897-1903) en Camera Work (1903-1917). Camera Work was ’n kwartaallikse tydskrif op glanspapier waarin die werk van fotograwe saam met kunskritiek en reproduksies van die werk van kontemporêre visuele kunstenaars gepubliseer is. In 1917 is beide die galery en tydskrif gestaak. Latere galerye wat hy bestuur het, was Intimate Gallery (1925–1929) en An American Place (1929–1946).
Foto's
[wysig | wysig bron]-
The Hand of Man, 1903 -
The Steerage, publ. 1915 -
Katherine, 1905 -
Miss S.R., 1905 -
Dirigible, 1910 -
Old and New New York, 1910 -
Georgia O'Keeffe, 1918 -
A Snapshot: Paris, 1911 (1/2) -
A Snapshot: Paris, 1911 (2/2)
Werk in openbare versamelings (seleksie)
[wysig | wysig bron]- National Gallery of Art, Washington
- Rijksmuseum Amsterdam[1]
- Victoria en Albert-museum, Londen
Publikasies
[wysig | wysig bron]- Camera Notes, tydskrif (1897-1903)
- Camera Work, tydskrif (1903-1917)
Verwysings
[wysig | wysig bron]Bronne
[wysig | wysig bron]- Hostetler, Lisa. "Alfred Stieglitz (1864–1946) and American Photography." In Heilbrunn Timeline of Art History. New York: The Metropolitan Museum of Art, 2000–. (October 2004)
- "291". Profiles. The New Yorker. Vol. 1, no. 9. 18 April 1925. pp. 9–10.
- Voorhies, James. "Alfred Stieglitz (1864–1946) and His Circle." In Heilbrunn Timeline of Art History. New York: The Metropolitan Museum of Art, 2000–. (October 2004)
- Weston Naef (General Editor) (1995), Alfred Stieglitz: Photographs from the J. Paul Getty Museum, Getty Publications.