Nederlandse Instituut vir Kunsgeskiedenis
![](http://upload.wikimedia.org/wikipedia/commons/thumb/e/eb/KoninklijkeBibliotheek2.jpg/180px-KoninklijkeBibliotheek2.jpg)
Die Nederlandse Instituut vir Kunsgeskiedenis of RKD (Nederlands: RKD-Nederlands Instituut voor Kunstgeschiedenis), voorheen die Rijksbureau voor Kunsthistorische Documentatie (RKD), is in Den Haag geleë en is die tuiste van die grootste kunsgeskiedenissentrum in die wêreld. Die sentrum spesialiseer in dokumentasie, argiewe en boeke oor Westerse kuns van die laat Middeleeue tot moderne tye. Dit is alles tot die publiek se beskikking en ’n groot deel is gedigitaliseer en op hulle webtuiste te sien. Die hoofdoel van die buro is om inligting oor kuns te versamel, kategoriseer en beskikbaar te stel, veral wat betref Nederlandse Meesters.
’n Besoeker aan die webtuiste kan aan die hand van die beskikbare databasis inligting kry oor die lewe en werk van baie kunstenaars van die verlede. Die biblioteek besit sowat 450 000 titels, waarvan omtrent 150 000 veilingskatalogusse is. Daar is sowat 3 000 tydskrifte, waarvan op 600 tans ingeskryf is. Hoewel die meeste inligting in Nederlands is, is daar skakels na biblioteekinskrywings wat Nederlandse én Engelse titels insluit.
Eksterne skakels
[wysig | wysig bron]Wikimedia Commons het meer media in die kategorie Nederlandse Instituut vir Kunsgeskiedenis.