波蘭戰役
波蘭戰役 | |||||||||
---|---|---|---|---|---|---|---|---|---|
第二次世界大戰歐洲戰場嘅一部分 | |||||||||
![]() |
|||||||||
|
|||||||||
參戰方 | |||||||||
![]() ![]()
| 波蘭第二共和國 | ||||||||
指揮官同領導者 | |||||||||
![]() ![]() ![]() ![]() | ![]() ![]() ![]() ![]() |
||||||||
兵力 | |||||||||
德國: 1,516,000人 5,805-9,000門火炮[1] 2,626架坦克 2,152-2,315架飛機 斯洛伐克:[2] 51,306人 蘇聯: 466,516人 380架裝甲車 3,739架坦克 2,000架作戰飛機 | 1,000,000人 800架坦克 392架飛機 |
||||||||
傷亡同損失 | |||||||||
德國: 10,600人陣亡 3,400人失踪 30,000人受傷 斯洛伐克:[2] 18人陣亡 11人失蹤 46人受傷 蘇聯: 3,000-10,000人陣亡、失蹤或者被俘 | 66,000人陣亡 133,700人受傷 694,000-787,000人被俘 |
波蘭戰役(又叫德波戰爭[3];而波蘭就叫做1939年保衛戰或者1939年九月戰役波蘭文:Kampania wrześniowa [4][5];德國就叫做波蘭戰役,作戰代號係《白色方案》)係德國、斯洛伐克同埋蘇聯軍隊喺1939年9月入侵波蘭嘅行動,呢場戰役直接導致第二次世界大戰爆發。喺《德蘇互不侵犯條約》簽咗一個禮拜之後,德國喺1939年9月1號凌晨4點40分開始進攻,而蘇聯亦都喺9月17號入侵波蘭,10月6號,德蘇兩國佔領嗮成個波蘭,波蘭戰役完。
德國軍隊分北、南、西三個方向發動攻擊,以兩翼包圍嘅方式夾擊集結喺邊境嘅波軍主力部隊。波軍損失慘重、所以將集結喺德波邊境嘅部隊撤走咗,將佢哋用喺首都華沙以西嘅位置建立一條防線,等英法兩國對德國嘅西方戰線發動攻擊,但係有兵力絕對優勢嘅盟軍就完全冇郁過。9月中,德軍已經打到嚟華沙,波軍將大部分嘅主力集結,喺布楚拉河反擊德軍,迫到德國要調兵嚟應付先搞得掂,最後,德軍將波軍主力包圍,德國已經攞到決定性嘅勝利。9月17號,東面嘅蘇聯根據《德蘇互不侵犯條約》中嘅秘密協議而入侵波蘭,開啟咗第二戰場。波蘭政府覺得原先守喺東面「羅馬尼亞橋頭堡」進行固守嘅計劃已經唔可行,於是下令撤離全部部隊到中立嘅鄰國羅馬尼亞。10月6號,最後一批波蘭軍隊喺科克戰役之後畀德軍擊潰,德蘇兩軍佔領成個波蘭。雖然波蘭從未有代表全國嘅政府或組織出面宣佈投降過,但係已經象徵咗波蘭境內戰事嘅結束。
10月8號,經過短暫嘅軍政府管理之後,德國直接將波蘭西部,包括西里西亞、大波蘭、波莫查、胡芝省、但澤等曾經係德意志帝國領土同埋有好多德裔人居住嘅地區吞併成為國土,而其他地區就由親衛隊上將嘅漢斯·法郎克領導嘅波蘭總督府管理,對內實施「德國化」政策,喺德國佔領期間,納粹親衛隊喺波蘭境內起咗好多集中營,關押猶太人、醫生、公務員、教會人員同埋地主等群眾,最後將佢哋大量處決。喺蘇聯嘅佔領區入面,史太林就對波蘭人實行「俄羅斯化」,一樣殺死咗波蘭社會精英同政治反對者,其中屠殺2萬個波蘭軍官嘅「卡廷大屠殺」最出名。喺德國佔領波蘭之後,後者組織咗地下抵抗勢力「波蘭家鄉軍」喺二戰期間打游擊戰。而走佬到西方國家嘅幾十萬波軍就組成咗流亡政府,同埋加入咗盟軍,喺其他戰場繼續同軸心國戰鬥。二戰完咗之後,波蘭本土由波蘭統一工人黨執政,同西方意識形態接近嘅流亡政府就返唔到波蘭,一直到東歐劇變之後先返到嚟。
波蘭戰役係第一次世界大戰完咗之後德軍嘅第一次大規模陸上作戰,好多國家對於德軍迅速達成嘅勝利覺得好驚訝,進而產生咗好多誤解或者有好大爭議嘅觀點,一啲錯誤嘅資訊仲喺今日嘅出版品中可以見到,例如最出名嘅「波蘭騎兵向德國戰車衝鋒」、「德國空軍喺一日內消滅波蘭空軍」等等,實際上都係好多以訛傳訛嘅資訊加上納粹宣傳機關嘅宣傳所造成嘅現象。另外,有軍事歷史學家將呢場戰役當做德軍新型態作戰模式「閃擊戰」第一次使用嘅作戰策略,並將佢視為德軍吸收西方軍事家(B·H·李德·哈特、約翰·弗雷德里克·查爾斯·富勒同埋夏爾·戴高樂等人)嘅戰車理論而發展到嘅成果,不過,呢個論點都受到唔少批評。
參考
[編輯]- ↑ Template:Pl"The 1939 Campaign". ww2.pl. 原著喺2013-12-11歸檔. 喺2012-02-23搵到.
- ↑ 2.0 2.1 Template:Cs icon"Polská kampaň". valka.cz. 喺2012-02-23搵到.
- ↑ (中文)〈中華人民共和國國防部〉. mod.gov.cn. 原著喺2021-04-19歸檔. 喺2012-02-23搵到.
- ↑ Template:Pl"Kampania Wrześniowa 1939". 1939.pl. 喺2012-02-23搵到.
- ↑ Template:Pl"Kampania wrześniowa". portalwiedzy.onet.pl. 原著喺2017-06-30歸檔. 喺2012-02-23搵到.