李卓敏基本醫學大樓小食店
李卓敏基本醫學大樓小食店（Basic Medical Sciences Building Snack Bar），俗稱Med Can，係香港中文大學嘅一間飯堂。
設施
[編輯]Med Can分為室內室外兩部份，門口右邊可以買外賣雙餸飯，只可以去室外食；入咗門口左邊係收銀處，畀咗錢之後可以憑單據入去攞餐。室外設有多張有太陽遮嘅枱。
交通
[編輯]可以搭校巴1、2號或者收費穿梭小巴（俗稱富貴巴）喺邵逸夫堂落，向車尾方向行過去。
歷史
[編輯]2022年之前嘅經營者喺香港中文大學校園長期經營，陪伴唔少喺香港中文大學讀書同工作嘅人。有部份人亦鍾意食佢哋獨特以碎冰忌廉作面層、配以檸檬雪芭同埋麥片嘅檸檬批，以及欣賞呢度嘅人情味，因而得到唔少香港人嘅留意。不過，佢哋喺2022年初宣布同中大嘅合約結束，喺6月30號之後正式結束營業[1][2][3]。喺最後一日營業嘅時候，有過百人喺雨中幫襯送別，有人受訪嘅時候話呢個係中大傳承嘅一部分，感慨喺武漢肺炎之下，中大失去咗好多[1]。
參考
[編輯]- ↑ 1.0 1.1 呂諾君 (2022-06-30)。〈說了再見｜中大Med Can結業檸檬批成絕響 百米人龍雨中送別〉。《香港01》 (香港中文)。喺2022-06-30搵到。
- ↑ 何蔓琪 (2022-03-28)。〈中大Med Can傳6月底結業 IG Foodie尋校友Fans:想請你食最後一餐｜開罐〉。《香港01》 (香港中文)。喺2022-06-30搵到。
- ↑ 新假期 (2022-04-01)。〈中大檸檬批恐成絕響！逾30年歷史中大Med Can或將結業 營業至4月底 師生校友不捨中大名物 「山城第一雙餸飯」｜飲食熱話 | 飲食〉。《新假期》 (美國英文)。喺2022-06-30搵到。