廣州火車站 (地鐵)
呢篇文講廣州地鐵嘅廣州火車站。想搵廣州火車站嘅話，請睇廣州站。| 廣州火車站 Guangzhou Railway Station | |
| |
| 地鐵廣州火車站（5號綫）嘅站名 | |
| 概覽 | |
|---|---|
| 冧巴 | 216 506 |
| 位置 | 越秀區環市西路同人民北路交界 |
| 座標 | 23°9′5.40″N 113°15′8.69″E / 23.1515000°N 113.2524139°E |
| 車站色 | 2號綫： + 5號綫： |
| 經過路線 | 2 5 |
| 啟站 | 2號綫：2002年12月29號 5號綫：2009年12月28號 |
| 月台數 | 2 |
| 站口數 | 12 |
| 營運資訊 | |
| 車站服務時間 | 06:11～00:03 |
| 列車服務時間 | 06:06～00:08 |
| 廣州地鐵2號綫 廣州南站 ◄越秀公園 （960m） （1.4km）三元里► 嘉禾望崗 | |
| 廣州地鐵5號綫 滘口 ◄西村 （1.7km） （2.3km）小北► 黃埔新港 | |
廣州火車站（粵拼：gwong2 zau1 fo2 ce1 zaam6；英文：Guangzhou Railway Station）係廣州地鐵2號綫同5號綫嘅轉車站，喺越秀區環市西路同人民北路交界嘅廣州站西廣場嘅地下。不過兩個月台嘅開放時間都唔同：其中2號綫喺2002年12月29號開放；而5號綫喺2009年12月28號開放。
佢亦係廣州市最大嘅客運服務中心，附近有好多個批發市場。從2016年開始，每年春運期間，呢個站為咗配合廣州火車站嘅安檢而採取咗飛站嘅措施。
結構
[編輯]樓層
[編輯]呢個站一共有3層樓嘅地下區域。其中地下一樓係2號綫同5號綫嘅站廳；而地下二樓係2號綫月台；地下三樓係5號綫月台。同大多數2號綫同5號綫車站一樣，都既冇廁所又冇休息室或母嬰室響度。
打掂
[編輯]| 地下 一樓 |
2號綫站廳 | 售票機、客服中心、警務室、商舖、安檢設施 | |
| 轉車通道 | 往返2號綫同5號綫 | ||
| 5號綫站廳 | 售票機、客服中心、警務室、商舖、安檢設施 | ||
| 地下 二樓 |
1月臺 | ←2號綫列車去三元里站（行嘉禾望崗嗰邊） | |
| 2月臺 | 2號綫列車去越秀公園站（行廣州南站嗰邊）→ | ||
| 地下 三樓 |
4月臺 | ←5號綫列車去西村站（行滘口嗰邊） | |
| 3月臺 | 5號綫列車去小北站（行黃埔新港嗰邊）→ | ||
打橫
[編輯] |
_Line2Platform.jpg) |
 |
_Line5Platform.jpg) |
站廳
[編輯]地鐵廣州火車站分開咗2號綫同和5號綫兩個站廳。不過佢哋兩個都唔一樣色，其中2號綫係兩隻色，5號綫係清一色。兩條線嘅站廳整成好似個英文字母「L」字噉。
其中2號綫嘅收費區喺站廳嘅中間，好似個英文字母「Q」字噉；而5號綫嘅收費區喺站廳嘅西南邊，兩個站廳都俾人行隧道同車站商舖圍住嗮。各個站廳嘅收費區入面有扶手電梯同樓梯、專用䢂往返邊個月台都得。
月台
[編輯]呢個站嘅2號綫月臺喺廣州火車站前西廣場地底，而5號綫月臺喺環市西路內環路高架地底。其中2號綫喺上邊，5號綫喺下邊。
商鋪同自助服務
[編輯]而家車站入面有好多唔類嘅商鋪嚟畀乘客買嘢或飲食嚟用，好似有便利鋪、糖果鋪、書店同洗衫檔等。
呢個站重有好多自助服務設施畀乘客用，包括自動販賣機、自動影相機、中國建設銀行同埋自動櫃員機等。入面整咗部好易機用嚟充羊城通，交水電費同交通罰錢等呢啲服務、而M-Touch機重可以查地鐵路線、頭尾班車同埋地鐵安全指引，重可以畀乘客登入去廣州地鐵薈會員嚟查獎分同換獎品。
出入口
[編輯]| 地鐵廣州火車站冚唪唥嘅出入口 | ||||||||||||
|---|---|---|---|---|---|---|---|---|---|---|---|---|
|
.jpg)
_01.jpg)
呢個站一共有12個出入口，分別係A、B、C、D1、D2、D3、D4、E、F，G同H。除咗C出入口改成緊急通道及B出入口被改成國鐵廣州火車站安檢範圍之外，其它出入口都可以同地面相通。
| 冧巴 | 標記 | 去到邊度 |
|---|---|---|
| 出入口A | 環市西路 | 廣州火車站中廣場、環市西路、草暖公園、廣州火車站售票大廳、廣州地鐵設計研究院有限公司 |
| 出入口B | 配合國鐵廣州火車站安檢封咗 | 唔畀喺呢度出入 |
| 出入口C | 唔對外 | 唔畀喺呢度出入 |
| 出入口D1 | 廣州火車站西廣場 | 廣州火車站西廣場、流花郵局 |
| 出入口D2 | 環市西路 | 環市西路 |
出入口D3  |
環市西路、廣州火車站西廣場、廣州火車站公交總站 | |
| 出入口D4 | 站前路 | 站前路、環市西路、人民北路、流花汽車站、友誼劇院、紅棉國際時裝城、新大地服裝城、流花車站巴士總站、站南路巴士站 |
| 出入口E | 環市西路 | 環市西路 |
| 出入口F | 廣園路 | 廣園路、廣東省汽車客運站 |
| 出入口G | 廣州白馬服裝市場 | 廣州白馬服裝市場、廣州長江國際服裝城 |
出入口H  |
站南路 | 站南路、廣州市汽車客運站、市客運站公交站 |
| 註： 有盲人引導徑 | 有輪椅升降臺
| ||
車站歷史
[編輯]規劃
[編輯]2號綫
[編輯]呢個站最先喺1988年嘅地鐵規劃方案入面出現，嗰時係十字綫網嘅其一中途站。但最早定咗火車站個名。後嚟喺1997年嘅工程名改成咗廣州火車站重納入咗一分為二嘅工程入面。
5號綫
[編輯]喺1997年份地鐵規劃入面，嗰時嘅3號綫北段（行環市路嗰邊）整成東西走向，半佬亦經過呢個站而變成轉車站。但因為同年重未落實規劃3號綫嘅規劃，1999年10月10號開始起2號綫時都未定。後嚟車站摱入5號綫範圍，初期提出環綫方案，但隨後決定要經過嗰時定咗規劃嘅1、2、3、4呢四條路線規劃直到2004年先至落實，轉車站位一樣冇變到。但嗰時2號綫已經起好嗮而通知咗地鐵順便預留出入口通道嘅工地搞改造。
11號綫
[編輯]2008年，嗰時嘅地鐵方案出現咗8號綫，但嗰時屬環綫。其中西半環出現咗大環同細環嘅方案，兩份同樣都經過呢個站，但政府最後揀咗大環方案。但2010年將8號綫畀咗海珠區嗰條2號綫一分為二之後嘅打橫走向路線，令環綫方案一路拋棄直到2010年先至恢復，但車站摱入咗11號綫範疇。隨後喺2015年7月初攞咗開工紙。
14號綫
[編輯]2015年，嗰時嘅地鐵規劃講到14號綫二期從嘉禾望崗出發去到呢個站為止[1]。雖然半佬改咗兩次規劃，但最後去到嘅南邊終點一樣冇變到，重係到呢個站為止[2]。隨後喺2017年11月13號先至落實咗呢個規劃[3]。
施工
[編輯]
- 2號綫
一期工程喺1999年10月10號正式喐手起。期間將原先停喺火車站做總站嘅一大堆巴士改嗮綫到第度停，亦將火車站搞第一次改造。工程直到2002年11月初先至搞掂。喺就快起好嗰時突然殺出個5號綫嘅程咬金而凈預留咗個出入口通道嚟搞改造。
- 5號綫
車站喺2006年春正式喐手起，期間又將火車站搞第二次改造。但施工得好快，喺同年11月14號封咗頂[4]。2007年10月13號凌晨喺西場到草暖公園嘅盾構區間右綫隧道出現大量飈水同大面積沉降情況。令工地上邊嘅部份內環路高架橋面需要臨時封閉[5]。
- 11號綫
車站喺2017年7月19號正式開始入場施工，期間又將火車站搞第三次改造。由於火車站喺嗰時已經確定改造成高鐵站，加上工地已經霸咗流花車站嘅一部分用地。為咗唔影響11號綫嘅通車同埋周邊客流冇客運站大巴坐嘅問題，而確定喺2017年12月15號將草暖公園拆走兼改造成汽車客運站[6]。
2018年6月2號，原先喺廣州火車站負責列車業務嘅廣鐵集團，考慮到路線入場同佢個站打算改造成高鐵站嘅關係，同意咗廣州地鐵規劃嘅站位方案，重打算將火車站升級做高鐵站。
從2018年10月23號開始，地鐵同廣鐵集團為咗配合11號綫嘅入場施工同將火車站升級做高鐵站嘅工程，率先將原先喺火車站入面停啲巴士搬到東邊隔籬嘅前草暖公園嚿地皮入面繼續營運。而原有用地正式開搞施工。
開通
[編輯]- 2號綫：2002年12月28號正式開咗呢個站，期間一直係2號綫嘅車站。曾經喺2010年9月22～24號因為搞路線一分為二工程而停運。
- 5號綫：2009年12月29號正式開咗呢個站，路線亦演變成兩綫嘅轉車站。
事件
[編輯]懷疑煤氣洩漏
[編輯]2011年1月10號22:30（UTC+8）到，喺5號綫範圍有部行滘口嗰邊班車喺小北站開到呢個站嘅區間發生自殺式襲擊。有位乘客帶咗經已點著嘅煤氣令列車出現著火，列車到站之後出現大量白煙令大量乘客出現恐慌。事發後出現乘客嘅頭髮燒嚫或撞傷嘅事而引發市民對地鐵嘅營運安全問題[7]。幾個鐘之後，差人好快將犯罪嫌疑人捉咗。
利用狀況
[編輯]廣州火車站既係客運交通入面，客流量最多嘅站。重係火車站、汽車站最多人流嘅地區。呢個站每日都有好多人嚟呢個站坐車嘅，所以成日都見到人山人海嘅嘢，重有好多乘客都攞住大包細包嘅行李嚟呢個站坐車，搞到站入面好逼噉，因為有好多坐火車落車嘅人成日都喺呢度轉地鐵嘅。附近重有幾間大嘅服裝批發響度。如果咁啱得咁橋撞正節假日，站入面重出現咗大量人潮，有時重出現客流管制都有，甚至重畀列車臨時唔停呢個站。
轉車須知
[編輯]由於2000年起2號綫嗰時冇預先留低轉車條件，所以要通過站廳嘅轉車通道轉綫。其中：
- 2→5：先搭扶手梯或行樓梯或搭𨋢出站廳，再行過條L字形嘅轉車通道，去到有橙紅色嘅站廳範圍落去即到。
- 5→2：先搭扶手梯或搭𨋢出站廳，再行過條L字形嘅轉車通道，去到有黃白色嘅站廳範圍落去即到。
附近嘅建築同景區
[編輯]
車站
[編輯]公園
[編輯]寺院
[編輯]貨運批發市場
[編輯]- 白馬服裝城
- 天馬大廈
- 新大地服裝城
- 流花服裝批發市場
- 廣州地一大道
酒店
[編輯]劇院
[編輯]攷
[編輯]
- ↑ 14号线二期：（广州火车站-嘉禾望岗站） 廣州本地寶
- ↑ 〈定了！广州地铁13号线二期设9个换乘站〉。《南方日報》。南方網。2017-08-22。原著喺2020-09-08歸檔。喺2017-12-23搵到。
- ↑ 〈地铁三号线要这样拆解，南沙拟建4号线、18号线接驳线！7条新线将带来这些好消息！〉。《廣州日報》。新浪。2017-11-13。
- ↑ 〈五号线火车站主体结构提前封顶〉。原著喺2009年12月31號歸檔。喺2017年12月23號搵到。
- ↑ 〈广州地铁5号线西草盾构区间局部沉降，已得到有效控制〉。原著喺2014-09-03歸檔。喺2017-12-23搵到。
- ↑ 广州火车站动工 互聯網檔案館嘅歸檔，歸檔日期2020年3月16號，. 地鐵族 （2017-12-15）
- ↑ 地铁五号线有人点燃煤气罐[失咗效嘅鏈]
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 越秀公園站 廣州南站← |
廣州火車站 2號綫 |
三元里站 →嘉禾望崗站 |
| 西村站 滘口站← |
廣州火車站 5號綫 |
小北站 →黃埔新港站 |
| 流花路站 環綫← |
廣州火車站 11號綫 |
梓元崗站 →環綫 |
| 提醒：11號綫喺度起緊。 | ||
