嘉靖
嘉靖（公元1522年 - 1566年）係明世宗嘅年號，明朝用咗嘉靖呢個年號一共45年，係明朝時間上用得第二長嘅年號。
大事記
[編輯]- 嘉靖年間曾經多次爆發農民嘅暴亂。
- 嘉靖年嘅后期朝廷內部發生黨爭。
- 雖然喺嘉靖年間，明朝政府實行海禁，但喺中國嘅南部仍然有好多海民入海。佢哋嘅船隻都係私造嘅大船，而且備有武器護航。
- 嘉靖二年五月——明朝實行海禁。
- 嘉靖六年——莫朝喺越南建立。
- 嘉靖二十一年十月廿一——壬寅宮變。
- 嘉靖二十三年——戚繼光世襲登州衛指揮僉事職。
- 嘉靖二十五年——索南嘉措被明世宗認定為三世達賴喇嘛。
- 嘉靖二十八年——唐荊川編纂《武論》。
- 嘉靖二十八年——《西麓堂琴統》出版。
- 嘉靖二十八年——海瑞考中舉人。
- 嘉靖三十四年——嘉靖大地震。
- 嘉靖三十六年——海瑞任浙江淳安縣知縣。
- 嘉靖四十年——太湖大水。
- 嘉靖四十三年——海瑞任戶部雲南司主事。
- 嘉靖四十五年二月——海瑞進《直言天下第一事疏》。