博物館
![](http://upload.wikimedia.org/wikipedia/commons/thumb/d/d5/WinterPalaceAndAC.jpg/260px-WinterPalaceAndAC.jpg)
博物館,又叫博物院,係徵集、保藏、陳列同研究代表自然同人類文化遺產嘅實物,並對嗰啲有科學性、歷史性或者藝術價值嘅物品做公眾提供知識、教育同欣賞嘅文化教育機構、建築物、地點或者社會公共機構。
博物館重未有一個權威性嘅定義,各國都根據國情訂定佢嘅定義,但較廣為接受嘅定義為國際博物館協會所提供嘅定義,喺2001年修訂嘅章程入面,佢嘅定義係:博物館係一非營利嘅永久性機構,喺佢嘅所發展同服務嘅社會,對公眾開放,以學習、教育、娛樂做目的,蒐藏、保存、研究、傳播同展示人類及佢嘅環境嘅物質證據。一般人歸納出博物館所富有嘅功能做:典藏、研究、展示、教育四大項。
歷史
[編輯]博物館嘅起源,係喺約公元前300年亞歷山大城嘅繆斯廟(Mouseion)。繆斯廟入面專門收藏咗古希臘嘅亞歷山大大帝喺歐洲、亞洲及非洲嘅征戰得到嘅珍品。博物館嘅英文「Museum」,就係源喺希臘話嘅繆斯廟「Mouseion」。然而,當時嘅博物館並唔對外開放。
文藝復興時期,歐洲嘅王室貴族開始喺王宮入面設陳列室收藏珍品,但亦只開放畀貴族參觀。1773年,英國開放阿須摩林博物館(Ashmolean Museum)畀公眾人士參觀,成為世界第一間公眾博物館。
類型
[編輯]早期博物館嘅定義係以列舉式嘅方式,條列出邊啲機構可視為博物館,但近年嚟嘅趨勢係改以條件式嘅敘述。因此只要符合呢啲條件嘅機構,都會俾人當係博物館,因此博物館嘅類型更加琳瑯滿目。
根據美國博物館協會嘅年度統計,其中博物館嘅類型有以下幾種:水族館、自然中心、青少年博物館、動物園、植物園、專門博物館(如鐵路、音樂、航空等)、科學同科技博物館(有星象廳)、歷史建物或遺址、一般類型(多學科、跨領域)自然史同人類學博物館、歷史博物館、藝術博物館幾種。
而國際博物館協會對博物館定義嘅第一條第B款則指出:「其他機構其目的亦符合博物館嘅定義,呢啲機構包括:
- 自然、考古或民族學嘅紀念物或遺址、歷史紀念或遺址
- 擁有展現物種嘅機構
- 科學中心同星象廳
- 由圖書館或檔案館永久性經營嘅非營利藝廊、保存機構或產示中心
- 自然保留區
- 其中管理或負責各種喺本定義所列機構嘅國際、國家級或地區性嘅博物館組織
- 從事維護、研究、教育、訓練、記錄同埋其他同博物館同博物館學相關工作嘅機構
- 從事保存、永續維護同埋管理有形同無形文化遺產嘅文化中心同其他組織
- 其他從事同博物館或博物館學相關嘅部門。」