Oyin

A jar of honey with a honey dipper and an American biscuit

Oyin ni ó jẹ́ ohun àdídùn olómi tí ìrísí rẹ̀ kìí ṣàn bí omi tí àwọn kòkòrò oyin oríṣiríṣi ma ń pèsè. Kòkòrò oyin ni wọ́n ma ń kórajọ pọ̀ tí wọ́n ma ń ya orísiríṣi oje tí wón bá rí fà mu lára orísiríṣi ọ̀mùnú ewé òdòdó àti igi tí wọ́n bá ti mu. Àwọn ohun tínwón ti fàmu yìí ni wọ́n ma ń pọ̀ jáde láti ẹnu wọn padà sínú ilé wọn tí wọ́n ń pe ní afárá oyin.

Afárá oyin ni ó ní ojú ihò tí ó lé ní ẹgbẹ̀rún, bákan náà ni àwọn irúfẹ́ kòkòrò oyin mìíràn tún ma ń pèsè oyin tiwọn sínú afárá tí wọ́n ti ṣe lọ́jò sínú ìkòkò.

Oyin sínsìn

Oyin ni ó wúlò púpọ̀ fún ìlò ọmọnìyàn lẹ́yìn tí àwọn kòkòrò oyin bá ti pèsè rẹ̀ tán sínú afárá ni àwọn ènìyàn ma ń lọ fà oyin.

Bákan náà ni àwọn ènìyàn tún ma ń si oyin tí àwọn onímọ̀ nípa iṣẹ́ yìí sì ń pèé ní beekeeping tàbí apiculture.

Dídùn oyin àti ànfàní rẹ̀ fún ìlera

Oyin ma ń dùn látàrí èròjà àdídùn bí ṣúgà tí ó jẹ́ àdámọ́ tí ó wà nínú rẹ̀. Adùn inú rẹ̀ ń ṣe déédé pẹ̀lú àádùn tí ó wà nínú ṣúgà oníhóró tàbí ṣúgà oníyẹ̀fun. Ẹ̀kún ṣíbí ìmùkọ kan (15 mL) ni yóò fún wa ní okún 190 kilojoules (46 kilocalories) tí óunjẹ afúnilókun yóò fún wa. Bákan náà ni wón lè po oyin mọ́ ìyẹ̀fun tí wọ́n fi ń ṣe búrẹ́dì àti àwọn mìíran bẹ́ẹ̀. Bákan náà ni ó ní òórùn àdídùn afani-mọ́ra nígbà tí a bá lòó dípò àwọn èròjà amónjẹ-dùn. Oyin kìí bàjẹ́ tàbí gbe kalẹ̀ fún ọjọ́ pípẹ́ tàbí Wọ́n fìdí èyí múlẹ̀ látara oyin kan tí àwọn aláwàárí inú ilẹ̀ rí lẹ́yìn ẹgbẹ̀rún ọdún tí kò sì yí pada láwọ̀ àti ládùn pẹ̀lú.