ჰუდსონიშ ჸუჯი
![](http://upload.wikimedia.org/wikipedia/commons/thumb/d/d6/Hudson_bay_map-fr.svg/250px-Hudson_bay_map-fr.svg.png)
ჰუდსონიშ ჸუჯი (ფრანგ. baie d'Hudson) — სქირონაშქა ზუღა ოორუეშ ჸინჩამ ოკიანეს.
გეოგრაფია
[რედაქტირაფა | წყუშ რედაქტირაფა]ჰუდსონიშ ჸუჯი ტომბას რე მიშაჭკირილი კანადაშ ტერიტორიაშა. ჸუჯიშ ფართობი — 1,23 მლნ კმ². ოორუე-ბჟაეიოლი კანადაშ არძაშე უდიდაში ჸუჯი რე. ჸუჯიშ წყარპიჯეფს იდვალუაფუ კანადაშ გეჸვეჯი პროვინციეფი დო ტერიტორიეფი: ონტარიო, კვებეკი, მანიტობა დო ნუნავუტი. ჰუდსონიშ ჸუჯიშ ობჟათეშე იდვალუაფუ ჯეიმზიშ ჸუჯი. ჰუდსონიშ ჸუჯი საროტეფიშ მეშქაშობათ მითმიარსხუ ატლანტიშ ოკიანეს. ფართობიშ მეჯინათ, ჰუდსონი ხვალე ბენგალიშ ჸუჯის აკმასქიდუ. ჰუდსონიშ ჸუჯიშე ანდა დიდი დო მორჩილი წყარმალუ მოურს. ჰუდსონიშ წყარპიჯეფს მუსხირენი შანულამი ნოღა ოდვალუაფუ, ნამუეფით ართიანს ოზუღე რზალეფით მითმიარსხუაფჷ, თინეფშე ეიოშანალი რე მანიტობაშ ნოღა ჩერჩილი. ჰუდსონიშ ჸუჯიშ ლადშაფტშე ეიოშანალი რე ტუნდრა დო ტაიგა. ჸუჯის ანდა პოლარული თუნთი დო შხვა ოშა-გოშა ჯიშიშ ჩხოლარი ხე.
ჰეერი
[რედაქტირაფა | წყუშ რედაქტირაფა]ჸუჯიშ ოშქაშე სიტომბა — 112 მ, მაქსიმალური - 258 მ. ჰეერი არქტიკული რე, ღურთუთაშ ოშქაშე ტემპერატურა - -22— -31 °C. კვირკვეს — 5 °C (ოორუეშე), — 15 °C (ობჟათეშე). წყარიშ ტემპერატურა ზოთონჯის 0 °C-შე გიმე რე. მარაშინათუთას 3 °C(ოორუეშე) დო 9 °C(ობჟათეშე). ჯიმუამობა 23-30,5‰. ჸუჯი გჷმათუთაშე კვირკვეშა ჸინით რე ფორილი. ჸუჯიშ წყარიშ მორღა გვერდოდღადოსერული რე, სიმაღალა 7,9 -შახ ჰუდსონიშ ჸუჯი ძალამ რგილი აბანი რე, თიშ გეშა ნამჷ-დათაქ იდვალუაფუ ოორუე ჸინჩამი ოკიანე. ზოთონჯობათ ჰუდსონი ირო იჸინუ.
ისტორია
[რედაქტირაფა | წყუშ რედაქტირაფა]![](http://upload.wikimedia.org/wikipedia/commons/thumb/8/83/Ursus_maritimus_walks_over_ice.jpg/200px-Ursus_maritimus_walks_over_ice.jpg)
ჰუდსონიშ ჸუჯი, 1610 წანას, ინგლისარ მეზუღე ჰენრი ჰუდსონქ მიოგორუ. ზუსტას თიშ პატიოცემელო გიადჷ ჯოხოთ ჰუდსონიშ ჸუჯი. თაქ იდვალუაფუ ვაპუსკიშ დო პოლარული წყარპიჯიშ ერუანული პარკეფი, ნამუეფსჷთ ეკოლოგიაშ თხილუაშ თოლწონუათ დიდი შანულობა უღჷნა. ჰუდსონიშ ჸუჯის ანდა დიდი დო მორჩილი კოკი რე, თინეფშე ეიოშანალი რე: ბელჩორიშ დო ოტავაშ კოკეფი.
ლიტერატურა
[რედაქტირაფა | წყუშ რედაქტირაფა]- ქორთული სხუნუეფიშ ენციკლოპედია, ტ. 11, ხს. 693, ქართი, 1987 წანა.