ჰოლივუდიშ დიდებაშ ჯალონა
ჰოლივუდიშ დიდებაშ ჯალონა (ინგლ. Hollywood Walk of Fame) — ტროტუარი ჰოლივუდიშ ბულვარს დო ვაინ-სტრიტიშ მანგას, ნამუთ იდვალუაფუ ჰოლივუდის, ლოს-ანჯელესის, კალიფორნიას, ააშ-ს. თინა მერჩქინელი რე ბორჯიშ ოღალარი ინდუსტრიაშ დიდებაშ დარბაზო. თიში დიზაინერი რე ობჟათე-კალიფორნიალი ხელუანი ოლივერ ვეისმულერი, ნამუთ ნოღაქ დექირუ 1953 წანას, ჰოლივუდშო ართგვარი იერმეჯინაშ მენიჭებაშო დო დიდებაშ ჯალონა ზუსტას წჷმარინუანს ართ-ართის თი რსულჸოფურობაშე, ნამუთ ნოღაქ თიმ პერიოდის გინიცადჷნ. ჯალონა მოჭკადილი რე 2 000-შე უმოსი ხუთქიმიანი მურიცხით, ნამუეფსჷთ აეშახინტკილი რე ვართ ხვალე ჯოხოგოლაფილი ადამიერეფიშ ჯოხოეფი, თი ფოხი გერგეზეფი ხოლო, ნამუეფით ბორჯიშოღალი ინდუსტრიას მუნეფიშ თიაშ გეშა აღიარაფილეფი რენა ჰოლივუდიშ კომერციული პალატაშით. ჯალონა იჩუაფუ მუშდოფინანსაფათ. მაართა მურიცხით, ნამუთ 1960 წანაშ 9 ფურთუთას გინწყჷნ, დეჯილდუ ჯოან ვუდვარდიქ.